Արոնյանն արագ ոչ-ոքի խաղաց Օլիմպիադայի վերջին տուրում
ՍՊՈՐՏՀայկական շախմատի առաջատար Լևոն Արոնյանն արագ ոչ-ոքիով ավարտեց ելույթները 43-րդ Օլիմպիադայում:
«Արմենպրես»-ի հաղորդմամբ` վերջին` 11-րդ տուրում Հայաստանի տղամարդկանց թիմը մրցում է Գերմանիայի հետ: Արոնյանի հակառակորդն էր Նիսիպեանուն: Պարտիայի 31-րդ քայլին գրոսմայստերները համաձայնեցին կիսել միավորը:
Մյուս պարտիաները դեռևս շարունակվում են:
10-րդ տուրից հետո Հայաստանի ընտրանին միայն 7-րդ տեղում է: Առաջատարները ԱՄՆ և Չինաստանի թիմերն են, որոնք ունեն 17-ական միավոր: Կանանց թիմը ուժերը կչափի Վրաստանի առաջին թիմի հետ: Այժմ հայկական թիմը կիսում է 2-4 տեղերը և ունի միայն 16 միավոր: Առաջատարը 17 միավորով Չինաստանն է:
