Այս երեխաների ապագայի նկատմամբ ոտնձգություն կատարողներին ոչ միայն ասֆալտին կպառկեցնենք, այլև պատերով կտանք. Փաշինյան
ՀԱՍԱՐԱԿՈՒԹՅՈՒՆՀանրահավաքին մասնակցող երեխաների ապագայի հանդեպ ոտնձգություն կատարողներին ոչ միայն կպառկեցնենք, այլեւ պատերով կտանք: Այս մասին այսօր՝ սեպտեմբերի 17-ին Ավանում «Իմ քայլը» դաշինքի հրավիրած հանրահավաքի ժամանակ ասաց ՀՀ վարչամպետ Նիկոլ Փաշինյանը:
««Իմ քայլի» հավաքի մասնակիցների կեսը երեխաներ են, ովքեր այս ընտրությանը ձայնի իրավունք չունեն, բայց նաեւ նրանք են մասնակցել հեղափոխությանը: Նրանց ապագայի հանդեպ ոտնձգություն կատարողներին ոչ միայն կպառկեցնենք, այլեւ պատերով կտանք»,- հայտարարեց Փաշինյանը:
Նա հիշեց 2017 թվականի Երևանի ավագանու ընտրությունների քարոզարշավի առաջին օրը, երբ ինքը քաղաքապետի թեկնածու էր առաջադրվել և այս թաղամասից էր սկսել քարոզարշավը:
«Ես դժվարանալու եմ ելույթ ունենալ: Ասեմ, թե ինչու: Լավ չեմ իմանում, թե այդ օրվա «Իմ քայլի» հանրահավաքը որտեղ է: Եվ երբ եկանք այս թաղամասը, հոգիս տակնուվրա եղավ, երբ մի քաղաքացի ինձ տվեց էս բուկլետը: 2017 թվականի Երեւանի ավագանու ընտրության արշավին մենք անցնում էինք կրպակների արանքով, մարդիկ անընդհատ հաց էին հյուրասիրում մեզ: Դա շատ խորհրդանշական եւ ինձ համար անմոռանալի պահ էր: Երեւի իմ քաղաքական գործունեության համար ամենակարեւոր պահերից մեկը, որովհետեւ հացի ամեն պատառը կուլ տալիս ինձ համակում էր այն զգացողությունը, որ ես ուխտ եմ կնքում մեր ժողովրդի հետ: Հացը մեզ համար ունի առանձնահատուկ արժեք է: Հիմա կարող եմ ասել, որ այդ ուխտը պահված է, հացը հարամ չի արված: Այդ ուխտը չի ավարտվել, նոր փուլ է մտել ու լինելու է հավիտյան, որովհետեւ լինելու է ժողովրդին ծառայող, ժողովրդի առջեւ խոնարհվող իշխանություն»,- ասաց Փաշինյանը:
