Աֆղանստանում ահաբեկչական գործողության զոհերի թիվը հասել է 68-ի
ՄԻՋԱԶԳԱՅԻՆ
Աֆղանստանի Նանգարհար արեւելյան նահանգի վարչական կենտրոն Ջալալաբադի արվարձանում սեպտեմբերի 11-ի երեկոյան իրականացված պայթյունի զոհերի թիվը հասել Է 68-ի, վերքեր Է ստացել 128 մարդ: Այդ մասին, ինչպես տեղեկացնում է «Արմենպրես»-ը, սեպտեմբերի 12-ին հայտնել են տեղական ԶԼՄ-ները՝ վկայակոչելով նահանգի առողջապահության նախարարության տվյալները:
Նախօրյակին TOLOnews հեռուստաալիքը հայտնել Էր 30 զոհվածների մասին: Associated Press գործակալությունը, հղում անելով տեղի ոստիկանությանը, հայտնել Էր 25 զոհվածների եւ 130 տուժածների մասին:
Երեքշաբթի, օրվա երկրորդ կեսին մահապարտ ահաբեկիչը պայթուցիկ սարք Էր գործի դրել ցուցարարների բազմության մեջ, որոնք պահանջում Էին պատժել տեղի ոստիկանապետին: ԶԼՄ-ների տվյալներով՝ բողոքի ակցիային ներկա Էր մոտավորապես 400 մարդ: Ցուցարարները վրաններ Էին խփել Մոմանդ Դարայի շրջանում եւ որոշ ժամանակով արգելափակել Ջալալաբադ-Տուրհամ ավտոմայրուղին, երբ որոտացել Է պայթյունը: Երկրում գործող ծայրահեղական կազմակերպություններից ոչ մեկն առայժմ չի ստանձնել հարձակման պատասխանատվությունը, հաղորդել Է «Ինտերֆաքս»-ը:
