Շվեդիայում անհայտ անձինք մայր տաճարից գողացել են Կառլոս IX-ի եւ նրա կնոջ թագերը
ՀԱՍԱՐԱԿՈՒԹՅՈՒՆԳողերը Շվեդիայի Ստրենգնես քաղաքի (Ստոկհոլմից հյուսիս) մայր տաճարից տարել են Շվեդիայի Կառլոս IX թագավորի եւ նրա կնոջ թագերը, ինչպես նաեւ թագավորական աշխարհագունդը: Այդ մասին օգոստոսի 1-ին հաղորդել Է բրիտանական The Guardian թերթը, տեղեկացնում Է «Արմենպրես»-ը:
Տաճարի աշխատակցուհի Կատարինա Ֆրոդը պատահածը համարել Է «մար տաճարի համար վիթխարի կորուստ ինչպես մշակութային, այնպես Էլ ֆինանսական իմաստով»: Կարգի պահապաններն ընդգրկուն գործողություն են իրականացնում, որպեսզի հնարավորինս արագ գտնեն գողերին, սակայն առայժմ ոստիկանությանը չի հաջողվել պարզել նրանց գտնվելու վայրը: Ոստիկանության ներկայացուցիչ Թոմաս Ագնեւիկի խոսքով՝ տաճարից գողացված թանկարժեք իրերի ստույգ արժեքը հնարավոր չԷ գնահատել:
«Շատ դժվար Է որոշել այդ իրերի արժեքը, դրանք բացառիկ են»,- նշել Է նա: Կառլոս IX-ը Վասա գահատոհմից Շվեդիայի թագավոր Է դարձել 1604 թվականին: 1611 թվականին հակամարտություն Է սկսվել Շվեդիայի եւ Դանիայի միջեւ, որն անակնկալ Է դարձել Կառլոս IX-ի համար եւ նույն թվականին հանգեցրել նրա մահվան: Շվեդիայի թագավորը թաղվել Է Ստրենգնեսի մայր տաճարում, հաղորդել Է «Ինտերֆաքս»-ը:
