Որքան է կազմում Արարատ Միրզոյանի և իր կնոջ տարեկան համեստ եկամուտը

ԱԺ պատգամավոր, «Ելք» խմբակցության անդամ Արարատ Միրզոյանի եկամուտների մասին ArenaNews.am կայքը տեղեկացել է Բարձրաստիճան պաշտոնատար անձանց էթիկայի հանձնաժողովի պաշտոնական կայքէջից: Այստեղ ամեն տարի օրենսդիր ու գործադիր (և ոչ միայն) մարմինները ներկայացնում են տարեկան հաշվետվություն` իրենց եկամուտների մասին:

Եվ այսպես, ըստ Արարատ Միրզոյանի 2017 թվականի հայտարարագրի, վերջինս այդ տարվա ընթացքում չի օտարել որևէ գույք, ձեռք չի բերել ու չի օտարել արժեթղթեր, ինչպես նաև չի տվել ու չի վերադարձրել փոխառություններ: Ըստ հայտարարագրի՝ այդ տարվա ընթացքում պատգամավորը չի գնել ու չի օտարել որևէ թանկարժեք գույք:

Հարկային տարվա սկզբում պատգամավորի դրամական միջոցները կազմել է 66 հազար դրամ, 2017-ի վերջում՝ դրամական միջոցները կազմել է մոտ 300 հազար դրամ:

Որպես աշխատանքի վարձրատրություն Արարատ Միրզոյանը ստացել է 4 մլն 730 հազար դրամ:

Պաշտոնը ստանձնելու օրվա դրությամբ ներկայացված հայտարարագրում երևում է, որ պատամավորը պահպանել է բազմահարկ շենքում իր 2 բնակարանները, KIA SORENTO 3.3 L մակնիշի մեքենան:

Այդ պահի դրությամբ պատգամավորի դրամական միջոցները կազմել են 3 մլն դրամ, ստացել է 500 հազար դրամի փոխառություն:

Կից հայտարարգրերում ներկայացված է նաև Արարատ Միրզոյանի կնոջ՝ Գոհար Աբաջյանի եկամուտները:

Համաձայն 2017-ի հայտարարագրի՝ կնոջ դրամական միջոցները տարվա սկզբին կազմել ն 250 հազար դրամ, հարկային տարվա վերջում՝ 410 հազար դրամ: Վերջինիս աշխատավարձը կազմել է 5 մլն 150 հազար դրամ:

ArenaNews.am