Ամերիկացի տնտեսագետի սենսացիոն բացահայտումը. ով էր Հայաստանում հեղաշրջում կազմակերպել

Geoclub.info-ի փոխանցմամբ՝ ամերիկացի տնտեսագետ, քաղաքական ու տնտեսական մեկնաբան Փոլ Քրեյգ Ռոբերթսը բացառիկ հարցազրույց է տվել Երևանյան աշխարհաքաղաքական ակումբի հեռուստաալիքին, որում նշել է, որ Հայաստանում պատրաստվում է հեղաշրջում: ԱՄՆ-ում Փոլ Քրեյգ Ռոբերթսը համարվում է «ռեյգանյան տնտեսական հրաշքի» ճարտարապետներից մեկը, որի շնորհիվ հաջողվել է երկիրը դուրս բերել ձգձգվող «ստագֆլյացիայից» (տնտեսական անկում և տնտեսության խաթարված վիճակ): Հարցազրույցի ժամանակ Ռոբերթսն անդրադառնում է ինչպես Ուկրաինայի, այնպես էլ Հայաստանի դեպքերին:

Կայքը ներկայացնում է հարցազրույցի առաջին հատվածը, որն առնչվում է Հայաստանին՝ ընդգծելով, որ արժե լսել ԱՄՆ-ից այլընտրանքային կարծիք, քանի որ բոլորին քաջ հայտնի է Ուկրաինայի ու Հայաստանի հարցերում ԱՄՆ-ի պաշտոնական դիրքորոշումը: Ռոբերթսին հարց է ուղղվել ԱՄՆ փոխպետքարտուղար Վիկտորյա Նուլանդի կողմից փետրվարին Հայաստան կատարած այցի, ամերիկյան ՀԿ-ների հետ դռնփակ հանդիպում ունենալու և ընդհանրապես վերջին շրջանում Հայաստանում նկատվող ամերիկյան ակտիվության մասին:

Շտապ տարածում եք բոլորդ. ամերիկացի տնտեսագետի սենսացիոն բացահայտումը. ով էր Հայաստանում հեղաշրջում կա…  Ռոբերթսը հայտարարել է. «Նպատակները պարզ են՝ ազդեցություն ունենալ Հայաստանում: Վիկտորյա Նուլանդի այցի նպատակը Հայաստանում հեղաշրջում կազմակերպելն էր: Ամերիկայի կողմից Հայաստանում գործող ՀԿ-ներին ֆինանսավորելու նպատակն այնպիսի խմբեր ունենալն է, որոնք կարող են ակցիաների համար դուրս բերվել փողոցներ, և ունենալ այնպիսի քաղաքական գործիչներ, որոնք կծառայեն Վաշինգտոնին:

Նրանք կաշխատեն այնպես, ինչպես որ Ուկրաինայի պարագայում է, քանի որ նրանք շատ լավ են վարձատրվում: Այդպիսով, ձեզ մոտ պլանավորվում է հեղաշրջում, ինչպիսին որ նախորդ տարի իրականացվեց Ուկրաինայում: Իսկ դա Վաշինգտոնին ևս մեկ բազա կտա երկրում, որը հանդիսացել է ԽՍՀՄ-ի մասնիկ: Եվ խաբված բազմաթիվ անձինք կմիանան հայկական ՀԿ-ներին, որոնք համագործակցում են Վիկտորյա Նուլանդի հետ:

Նպատակը Ռուսաստանի հետ քաղաքական ու տնտեսական հարաբերությունները խզելն է: Նրանց կողմից հարված հասցնելը կախված է համապատասխան հնարավորությունից: Դա այն է, ինչը 2003 թվականին տեղի ունեցավ Վրաստանում՝ «Վարդերի հեղափոխությունը»: Դա նույնպես եղել է հեղաշրջում, որը կազմակերպել են Վաշինգտոնից ֆինանսավորվող ՀԿ-ները, որոնք էլ մարդկանց դուրս են բերել փողոցներ: Վաշինգտոնն այդպես է աշխատում, և նրա թիրախում են Հայաստանը, Ղրղզստանը և հնարավոր է՝ Ղազախստանն ու Ուզբեկստանը: Այդպիսի հեղաշրջումները, որոնք նրանց անվանում են ժողովրդավարական հեղափոխություն, կազմակերպվելու են բոլոր երկրներում, որոնք հանդիսացել են ԽՍՀՄ-ի մասնիկը: Եվ բնականաբար, նրանք հարձակվելու են ընտանեկան ինստիտուտի վրա, փորձեր են ձեռնարկելու ոչնչացնել ավանդական բարոյականությունը: Եթե Վաշինգտոնին հաջողվի հեղաշրջում իրականացնել Հայաստանում, ինչպես որ եղավ Ուկրաինայում, հաջորդ քայլը լինելու է հայ ընտանիքի վրա հարձակվելը, միասեռականությունն օրինականացնելը, ծնողական վերահսկողությունից երեխաներին դուրս բերելը, ծնողների ու երեխաների միջև հարաբերությունների վերաիմաստավորումը: Հայաստանը պարզապես կփլուզվի և կդառնա Ամերիկայի վասալ պետությունը:

Դա իրական սպառնալիք է Հայաստանի համար: ԱՄՆ-ը փորձում է ներկայանալ որպես հիանալի երկիր, որը խորհրդանշում է ազատություն ու բարություն: Եվ նրանք աշխատում են մարդկանց հետ, որոնք դեռևս գտնվում են ԽՍՀՄ կոմունիստական (տոտալիտար) կարգի 70-ամյա կառավարման տպավորության տակ: Իսկ այդպիսի մարդկանց շատ հեշտ է մոլորեցնելը: Կփլուզվի ողջ երկիրը: 25.04.2018 Շտապ տարածում եք բոլորդ. ամերիկացի տնտեսագետի սենսացիոն բացահայտումը. ով էր Հայաստանում հեղաշրջում կա…

 Վաշինգտոնը ոչնչացնում է մշակույթը: Տեսե՛ք, թե ինչ եղավ ճապոնական մշակույթի հետ, անգլիական, գերմանական, իտալական մշակույթի հետ, ամեն ինչ ամերիկանացված է՝ ֆիլմերը, երաժշտությունը: Դրա համար էլ եթե Վիկտորյա Նուլանդը եկել է ձեզ մոտ՝ Հայաստան, նշանակում է, որ Հայաստանում կիրականացվի հեղաշրջում: Ես ձեզ հաջողություններ եմ մաղթում, որովհետև Վաշինգտոնը վիթխարի սպառնալիք է դառնում ողջ աշխարհի, այդ թվում նաև ամերիկացիների համար»: Հիշեցնենք, որ Ռուսաստանի Դաշնության խորհրդի միջազգային կոմիտեի ղեկավար Կոնստանտին Կոսաչևը հայտարարել է, թե Հայաստանում մոտ 350 ՀԿ քարոզչություն է իրականացնում եվրասիական ինտեգրման դեմ և «Արևելյան գործընկերության» շրջանակներում ԵՄ-ի հետ Հայաստանի մերձեցման օգտին:

Իսկ 2013 թվականի մարտին հրապարակվեց ադրբեջանցի նախկին քաղբանտարկյալ, չորս տարի բանտում անցկացրած լրագրող Էյնուլա Ֆաթուլաևի «Երկու միլիոն դոլար Ադրբեջանում «ֆեյսբուքյան» հեղափոխության համար» հոդվածը, որում նշված էր, որ Ադրբեջանում լայն գործունեություն ծավալած ամերիկյան Ազգային ժողովրդավարության ինստիտուտը (NDI) 2 միլիոն դոլար է ծախսել մարդկանց փողոցներ դուրս բերելու և հեղաշրջում իրականացնելու համար: Դա մեծ աղմուկ բարձրացրեց Ադրբեջանում, որի իշխանությունները բողոք հղեցին ԱՄՆ-ի դեսպանատանը և NDI-ին մեղադրեցին Ադրբեջանի կառավարության դեմ երիտասարդության քայքայիչ ակցիաները ֆինանսավորելու մեջ: Ավելի ուշ նրանք վերջ դրեցին երկրում NDI-ի գործունեությանը: