Խոստումը կատարելու լավագույն տարբերակը կատարված գործն է
ՀԱՍԱՐԱԿՈՒԹՅՈՒՆ
Սարիբեկ Սարուխանյանը ֆեյսբուքյան իր էջում գրում է՝
Վերջին տարիներին ներդրումների մասին գրեթե ամեն օր լսում ենք, սակայն դրանք այդպես էլ շարունակում են մնալ որպես լավագույն ցանկության դրսևորում:
Հատկապես ընտրություններից առաջ հնչում են բազում խոստումներ՝ խոսուն թվերի տեսքով:Սակայն կյանքը ցույց տվեց, որ ընդամենը մեկ տարին անց խոստացված ներդրումներն այդպես էլ ի հայտ չեկան...
Բոլորը կհիշեն, որ խորհրդարանական ընտրություններից առաջ Գագիկ Ծառուկյանը հայտարարեց, որ մեծամասնություն կազմելու դեպքում իր օտարերկրյա գործընկերները ևս պատրաստ են 15 միլիարդ դոլարի ներդրումներ կատարել ՀՀ-ում:Շատերը ինչպես ընտրարշավի ժամանակ հնչեցված մնացած ներդրումների մասին, այնպես էլ այս հայտարարությանը թերահավատորեն մոտեցան:Սակայն ինչպես ասում են, ասվածը փաստելու միակ և լավագույն տարբերակը այն գործով ապացուցելն է:
Այսօր արդեն պարզ է,որ պետք չէր բոլոր հայտարությունները նույն արշինով չափել:
Օրեր առաջ տարածվեց տեղեկատվություն «Մուլտի Գրուպ» կոնցեռնի վերջին երեք տարվա ընթացքում կատարված հսկայածավալ ներդրումների մասին, որոնք կազմում են շուրջ 1,2 միլիարդ դոլար, որոնք միտված են ՀՀ տնտեսության զարգացմանը, նոր աշխատատեղերի բացմանը, ՀՀ տնտեսության համար նոր ճյուղերի գործունեության խթանմանը:
Եվ սա այն դեպքում, երբ Գագիկ Ծառուկյանի կողմից հայտարարված ներդրումները պետք է իրականություն դառնային խորհրդարանում մեծամասնություն ձևավորելու դեպքում միայն:
Հ.Գ.Այս համատեքստում ուշագրավ էր օգտատերերից մեկի մեկնաբանությունը կապված «Մուլտի Գրուպ» կոնցեռնի կողմից իրականացվելիք խոշորամասշտաբ նախաձեռնության հետ, մեջբերում եմ.
«Աստված ինչքան ուժ ու հնարավորություն ունի, թող քեզ առողջություն տա, չարչարանքիդ ապաշխարհանք, աբիժնիկներիդ էլ մի յաշիկ волокардин»:
Վերոնշյալ մեկնաբանությունը լավագույնս է արտացոլում հասարակության անկեղծ և սրտացավ վերաբերմունքը տվյալ նախաձեռնությանը, այն իրագործողին և դրան հաջորդող արձագանքներին:
