Վթարի է ենթարկվել Մոսկվայից Երևան ուղեւորվող ավտոբուսը. Կան զոհեր և վիրավորներ

Ռուսասանի Պավլովյան շրջանում Մոսկվայից Երևան ուղեւորվող ավտոբուսն այսօր առավոտյան` ժամը 8։40 վթարի է ենթարկվել. կան զոհեր եւ վիրավորներ:

Ինչպես հայտնում է Վորոնեժի տրանսպորտի վարչությունից, ավտոբուսը բախվել է Վորոնեժից եկող բեռնատարին։ Վթարի հետեւանքով 8 մարդ վնասվածքներով տեղափոխվել է հիվանդանոց: Նշվում է նաեւ, որ ավտոբուսի ու բեռնատարի վարորդները տեղում մահացել են ։

«Մոսկվայից Հայաստան ուղևորվող ավտոբուսը ավտոճանապարհին վազանցել է կայանած ավտոմեքենային, դուրս եկել հանդիպակաց երթուղի, որտեղ բախվել է դիմացից եկող բեռնատարին։ Վարորդները տեղում մահացել են»,–ասված է հաղորդագրության մեջ։

Հաղորդվում է, որ ավտոբուսում եղել է 50 ուղևոր է, բոլորը ՀՀ քաղաքացիներ։ Նրանցից 8–ը վիրավորվել են և տեղափոխվել հիվանդանոց։

Բեռնատարը, որի վարորդը մահացել է, ունեցել է Սանկտ Պետերբուրգի գրանցում։ Քայլեր են կատարվում զոհվածների ինքնությունը պարզելու համար։

Մանրամասներն այստեղ