Հայրս իմ ներշնչանքն էր. Հենրիխ Մխիթարյանի հարցազրույցը «The Telegraph»-ին
ՊԱՏՄՈՒԹՅԱՆ ԱՅՍ ՕՐԸ
Հայաստանի ազգային հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանը հարցազրույց է ունեցել «The Telegraph»-ի հետ:
«Արմենպրես»-ը վկայակոչելով բրիտանական պարբերականին հայտնում է, որ Հենրիխ Մխիթարյանը զրույցում խոսել է հոր՝ Համլետ Մխիթարյանի մասին:
«Հայրս իմ ներշնչանքն էր, իմ մոտիվացիայի աղբյուրը: Երբ ես երեխա էի, հայրս ֆուտբոլ էր խաղում պրոֆեսիոնալ մակարդակով, իսկ ես երազում էի նրա հետ գնալ և հայտնվել մարզահրապարակում: Երբ ընտանիքով վերադարձանք Հայաստան, իմ երազանքն էր շարունակել նրա աշխատանքը և դառնալ ֆուտբոլիստ: Ցավում եմ, որ նա իմ կոխքին չէ: Ինչևէ սա կյանք է և ամեն ինչ շարունակվում է:
Հուսով եմ, որ հայրս երկնքից տեսնում ինչպիսի աշխատանք եմ կատարում: Ամեն ինչ անում եմ, որ նա հպարտ լինի ինձնով:
Շատ կցանկանայի հայրս տեսներ, թե ինչպիսի խաղ եմ ցուցադրում հիմա: Միշտ դիտել եմ նրա մասնակցությամբ հանդիպումները, սակայն հիմա ֆուտբոլում շատ բան է փոխվել:
Հիմա ես դիտում եմ նրա հանդիպումները միայն այն բանի համար, որ հիշեմ, թե նա ինչպես է խաղացել: Ափսոս կյանքը այսպիսին է: Նա ինձ շատ կոգներ ավելի լավը դառնալու հարցում:
Երբ մտածում, հասկանում եմ, որ հորս մահը շատ բան փոխեց իմ կյանքում, իմ մտքերում և ես ավելի արագ հասունացա, սակայն մյուս կողմից անչափ դժվար է մեծանել առանց հոր ներկայության, քանի որ ընտանիքում դու չունես տղամարդ, ով կկարողանար քեզ դաստիարակել: Մայրս ինձ համար և հայր է և մայր:
Շնորհակալ եմ այն մարդկանց, ովքեր միշտ իմ կողքին են»,-ասել է Հենրիխ Մխիթարյանը:
