Սա պետք է իմանան բոլորը․ 21 հոգեբանական գաղտնիք պրոֆեսիանալներից, որոնք կօգնեն մարդկանց «կարդալ» ինչպես գիրքը

ՖՈՏՈ 14 Դեկտեմբեր, 2017 22:21

Հավանաբար մեկ անգամ չեք մտածել այն մասին, թե ինչքան լավ կլիներ, եթե կարողանայիք կարդալ շրջապատի մարդկանց մտքերը:

Ոմանց այդ հարցում օգնում է ինտուիցիան, սակայն եթե նմանատիպ կարողությունների չեք տիրապետում, ապա մնում է միայն մի բան՝ սովորել հասկանալ մարմնի լեզուն:

Գաղտնիք չէ, որ ոչ վերբալ շփման օգնությամբ մենք ստանում ենք 55 տոկոս տեղեկատվություն: Այդ մասին առաջին անգամ չէ որ ասել է հայտնի ավստրալիացի գրող Ալան Պիզը:

Դեմքի միմիկան, ժեստերը և մարմնի շարժումներն ընդունակ են դեն նետել մարդու դիմակը՝ հայտնի դարձնելով նրա իրական մտքերն ու զգացմունքները:

Առաջարկում ենք ուշադրություն դարձնել ազդանշաններին, որոնք մեզ ուղարկում են շրջապատի մարդիկ՝ առանց այդ մասին կասկածելու:

1. Կոպերի ծածկում

Եթե մարդը ձեզ հետ շփվելիս՝ ծածկում է կոպերը, ապա իմացեք, նա փորձում է թաքնվել, պաշտպանել ինքն իրեն արտաքին աշխարհից: Ընդ որում՝ դա բնավ էլ չի նշանակում, որ զրուցակիցը ձեզնից վախենում է:

Հակառակը՝ նա ուզում է ձեզնից ազատվել, քանի որ դուք կարող եք նրան ձանձրացնել: Փակեց աչքերը, ուրեմն անհետացեք:

2. Բերանը փակել ձեռքով

Դա այն բանի վառ ապացույցն է, որ մենք բոլորս գալիս ենք մանկությունից: Հիշե՛ք, թե դուք ինչպես էիք փակում բերանը ձեռքի ափով, երբ չէիք ուզում ինչ-որ բան պատմել: Մեծ տարիքում նույնպես այդպես է:

Մի քանի մատով կամ բռունցքով փակված բերանը մեզ օգնում է զսպել որոշ բառերի արտաբերումը: Երբեմն այդ ժեստը թաքցվում է հորանջելու տակ:

3. Երբ կծում է ակնոցի թևերը

Տեսնում եք, որ ձեր ծանոթը մտախոհ կերպով կծում է ակնոցի թևերը, ապա շտապեք աջակցել ու ուրախացնել նրան: Նա ակնհայտորեն ինչ-որ բանից մտահոգ է և ենթագիտակցաբար ձգտում է անվտանգություն զգալ, ինչպես մանուկ ժամանակ մոր գրկում:

Ի դեպ՝ մատիտի, գրչի, մատի կամ ծխախոտի ծայրերը ծամելը, և անգամ մաստակը վկայում են վերոնշյալի մասին:

4. Դեմքի ցուցադրություն

Որպես կանոն՝ այդ ժեստն օգտագործվում է հակառակ սեռի ուշադրությունը գրավելու համար:

Կզակով հենվելով երկու ձեռքերի վրա՝ մենք ցուցադրում ենք դեմքը, ինչպես խանութի դիմապակին, կարծես ասելով. «Ահա ես իմ ամբողջ գեղեցկությամբ, հիացեք իմ գեղեցկությամբ»:

Տղամարդիկ հատկապես պետք է հիշեն այս ժեստի մասին, որպեսզի ժամանակին հաճոյախոսեն տվյալ կնոջը:

5. Կզակը շոյել

Այդ ժեստի դեպքում մարդը փորձում է որոշում կայացնել: Ընդ որոշում՝ այդ ժամանակ մարդու հայացքը կարող է ուղղված լինել վերև կամ ներքև:

Դժվար թե այդ պահին նա գիտակցի, թե կողքից ինչպիսի տեսք ունի, քանի որ ամբողջությամբ ընկղմված է մտքերի մեջ:

6. Ձեռքերը խաչել

Ամենաշատ տարածված ժեստերի մեկն է: Զարմանալի չէ, որ այդ դիրքում մարդիկ իրենց առավելապես հարմարավետ են զգում: Այդպիսի դիրքը թույլ է տալիս տարբերվել ուրիշներից:

Մենք հաճախ այդ ժեստն օգտագործում ենք, երբ ինչ-որ բանից դժգոհ ենք: Կրծքերի շրջանում ձեռքերը խաչելը զրուցակցի բացասական տրամադրվածության ակնհայտ ազդանշան է:

7. Կծկված դիրք ընդունել

Համաձայնեք, որ սա համեմատաբար բաց դիրք է: Ձգտելով դուր գալ տղամարդուն՝ կինը սկսում է իրեն ավելի նպաստավոր լույսի տակ ցուցադրել: Նա հետույքը հետ է տալիս, որպեսզի կուրծքն ընդգծի, և որպես կանոն՝ խաչում ոտքերը:

Ներքև գցած ձեռքերը զրուցակցի նկատմամբ առավելագույն ուշադրության և հետաքրքրության ազդանշան է:

8. Կրծքավանդակով դեպի առաջ

Երբ մարդը զրուցակցի նկատմամբ համակրանք է տածում և պատրաստ է նրա հետ երկխոսության մեջ մտնել, սովորաբար կրծքավանդակով դեպի առաջ է նստում: Այդ դիրքում կարող են ոտքերը նույն տեղում մնա:

9. Աթոռին հենված դիրք

Այս դիրքում մադը հասկացնում է, որ խոսակցությունը ձանձրալի է: Հնարավոր է, որ նա անհարմար է իրեն զգում զրուցակցի հետ:

10. Հենվել կրունկների վրա

Այո, այդպես անում են ոչ միայն երեխաները, այլև մեծահասակները: Դա նշանակում է, որ մարդն ուժեղ անհանգստանում է:

11. Ձեռքերը շփել

Համարվում է, որ ձեռքերն արտահայտում են այն, ինչ մտածում է գլուխը: Ձեռքերի շփումը որպես կանոն՝ նշանակում է, որ մարդը դրական ակնկալիքներ ունի, և հույս ունի, որ կհասցնի ամեն բան անել:

Մի խոսքով՝ մենք այդպես ենք անում, երբ մտածում ենք սպասվելիք օգուտի մասին:

12. Ձեռքսեղմում

Եթե ազատ ձեռքով մարդը ծածկում է ձեր ձեռքը, ապա դա նշանակում է, որ նա ձեզ վստահում է:

13. Ձեռքսեղմում՝ ափը վերևից

Վերևից ուրիշի ձեռքը փակող ափը վկայում է կարեկցանքի մասին, բայց եթե դա արվում է ձեռքսեղմումից անմիջապես հետո:

Եթե ձեռքերը որոշ ժամանակով արդեն իսկ սեղմված էին, և հետո միայն ինչ-որ մեկը որոշում է ափով փակել այն, դա նշանակում է, որ նրանցից մեկն ուզում է ցույց տալ, որ ինքն է գլխավորը:

14. Ձեռքսեղմում՝ ափը ներքևից

Եթե դուք զրուցակցի ձեռքը սեղմում եք ներքևից, ապա պատրաստակամություն եք հայտնում նրան օգնություն ցուցաբերելու մասին:

15. Ձեռքսեղմում՝ դիպչելով թևին

Ազատ ձեռքով կարելի է դիպչել նաև զրուցակցի ուսին, մեջքին կամ արմունկին:

Նման ժեստը խորհրդանշում է շփման անհրաժեշտության մասին, ընդ որում՝ որքան մոտ է այդ ժեստը դիմացինի մարմնին, այնքան մեծ է շփվելու ցանկությունը:

16. Փողկապի ուղղում

Այս դեպքում ամեն ինչ իրավիճակային է: Եթե տղամարդը նման ժեստ է անում կնոջ հետ շփման ժամանակ, ապա հավանաբար այդ կինը նրան դուր է գալիս:

Միաժամանակ այդ ժեստը կարող է նշանակել, որ մարդն իրեն հարմարավետ չի զգում և ցանկանում է պարզապես լքել այդ շրջապատը:

17. Գոյություն չունեցող մազերի հավաքում

Սա այսպես կոչված ամոթխածության արտահայտման ժեստ է: Ավելի հաճախ մարդիկ այդ ժեստն օգտագործում են՝ լռելյայն անհամաձայնություն արտահայտելիս:

Այլ խոսքով՝ նրանք իրեն կարծիքը բացահայտորեն չեն արտահայտում, սակայն շրջապատում տեղի ունեցողի հետ հաստատ համաձայն չեն:

18. Ոտքերը սեղանին դնել

Այս ժեստը շատ բանի մասին կարող է հայտնել: Օրինակ՝ անդաստիարակություն, անհարգանք, սեփական անձը վեր դասելու ձգտում և այլն:

Ամեն դեպքում հոգեբանները գտնում են, որ եթե անգամ փեզ այդ դիրքում հարմար է, ապա ավելի լավ է այդպես հանգստանաք սեփական տանը կամ հարազատների շրջանում:

19. Աթոռին հակառակ նստել

Աթոռը ձի չէ, իսկ նրա մեջքը թեև առանձին հենարան է հիշեցնում, այդուհանդերձ, այլ նպատակով է այն ծառայում:

Այնպես որ շատերին այդպիսի դիրքով նստել պարզապես նյարդայնացնում է, քանի որ ինքնաբերաբար մենք զգում ենք տվյալ մարդուց արձակվող բացասական լիցքերը և ագրեսիան:
Այս դիրքով սովորաբար նստում են իշխող տեսակի մարդիկ:

20. Հանված կոշիկով խաղալը

Ոտքերը խաչելը կանացի ամենագայթակղիչ դիրքերից մեկն է: Կիսահանված կոշիկով խաղալով՝ կանայք իրենց վրա են կենտրոնացնում ուշադրությունը:

Այդ ժեստը խոսում է հանգիստ, լիցքաթափված տրամադրության մասին և որպես կանաչ լույս է հանդիսանում տղամարդկանց համար:

21. Տեսողական շփում

Աչքերը հոգու հայելիներն են, ինչպես նաև շփման համար հրաշալի միջոց: Դրանցում կարելի է կարդալ զրուցակցի բոլոր զգացմունքներն ու էմոցիաները:

Սիրահարվածներն անդադար միմյանց աչքերի մեջ են նայում՝ ենթագիտակցաբար սպասելով տեսնել, թե ինչպես են միմյանց համար կարևոր դառնում: