Անկրկնելի համ.Սուրճը մեկ պտղունց աղով...
ՖՈՏՈՍուրճ և աղ... Թվում է թե դրանք անհամատեղելի են, սակայն փորձեք և կհամոզվեք, որ սուրճի համը դառնում է անկրկնելի: Սուրճի շատ սիրահարներ հենց այդպես էլ վարվում են: Զարմանալի է, սակայն մեկ պտղունց աղը սուրճի համը դարձնում է մեղմ, կլանում է դառնությունը, հաղորդում է համային նոր երանգներ և հիասքանչ բուրմունք:
Եվս մեկ զարմանալի համատեղելիություն. Ելակ և վարունգ: Ստացվում է թեթև ամառային աղցան, հիասքանչ համ ունի: Փորձեք և կհամոզվեք:
Արքայախնձոր և երկնագույն բորբոսով պանիր: Այս երկու մթերքները հիանալի լրացնում են միմյանց, օրիգինալ համ է ստացվում:
Փորձել եք արդյոք բազուկը և սև շոկոլադը միասին: Պատրաստեք աղցան բազուկից, վրան քերեք մի քիչ սև շոկոլադ: Բազուկի հաճելի քաղցրությունը և շոկոլադի թեթև դառնությունը յուրահատուկ համային որակ են ստեղծում:
Եվս մեկ "զուգերգ", առաջին հայացքից անհամատեղելի: Միսը և ջեմը: Համտեսեք տապակած միսը մի քիչ թթվաշ ջեմով, հիասքանչ համ է: Շատ երկրներում տապակած միսն այդպես է մատուցվում:
Սովորաբար ելակն ուտում են սերուցքով, շաքարավազով կամ թթվասերով: Առաջարկում ենք փորձել ելակը բալզամիկ սոուսով: Շատ թարմացնող է և ցածր կալորիականություն ունի:
