Մի շտապեք դեն նետել «ոչ պիտանի» կաթսան...
ՀԱՍԱՐԱԿՈՒԹՅՈՒՆՄի շտապեք դեն նետել կաթսան, համարելով այն ոչ պիտանի, այլ անմիջապես միջոցներ ձեռնարկեք այրված մասերը մաքրելու համար: Orer.am-ը կներկայացնի մի քանի արդյունավետ միջոցներ, որոնք ձեզ կօգնեն հեշտությամբ մաքրել այրված մասերը.
Լցրեք կաթսայի մեջ խոշոր աղ, թողեք 2-3 ժամ, այնուհետև լվացեք տաք ջրով: Եթե հետքեր են մնացել, ապա գործողությունը կրկնեք:
1լ. ջրին լցրեք 5-6 գդալ կերակրի աղ, աղաջրով կաթսան դրեք գազօջախին, եռացրեք 40-45 րոպե:
Վերցրեք ակտիվացված ածուխի մի քանի հաբ, փոշիացրեք, լցրեք այրված մասերին, թողեք 15-20 րոպե, այնուհետև ավելացրեք սառը ջուր, 20 րոպեից կաթսան լվացեք: Այս միջոցն արդյունավետ է հատկապես վառված կաթի դեպքում:
500գր. սոդան ավելացրեք 5-6լ. ջրին, սոդայաջուրը լցրեք ավելի մեծ կաթսայի մեջ, քան այն, որը պետք է մաքրվի: Սոդայաջրով կաթսայի մեջ դրեք մաքրվողը, այնուհետև մեկ ժամ եռացրեք: Կաթսան ամբողջովին կմաքրվի:
Այրված մասի վրա քացախ լցրեք, թողեք 2 ժամ, այնուհետև լվացեք: Քացախը կարող եք փոխարինել կիտրոնաթթվով կամ կիտրոնի հյութով:
