Անկրկնելի համեղ և շատ արագ պատրաստվող աղցան. «Սեր և խաբեություն»

Ցանկանում եք պատրաստել որևէ հետաքրքիր աղցան, որը ոչ միայն համեղ կլինի, այլ նաև կգրավի իր հաճելի և ախորժաբեր տեսքով. Պատրաստեք այս յուրահատուկ աղցանը՝ «Սեր և խաբեություն», այն կհիացնի բոլորին իր անկրկնելի համով և ինչու ոչ, նաև հաճելի տեսքով, այն իրոք որ կզարդարի տոնական սեղանը:

Անհրաժեշտ են.

1. 400 գր. եփած տավարի միս

2. 400 գր. պահածոյացված լոբի

3. 150 գր. սոխ

5. 100 գր. մարինացված վարունգ

6. 100 գր. եփած կարտոֆիլ

7. 250 գր. մայոնեզ

8. 100 գր. ձիթապտուղ

9. 200 գր. լոլիկ

Պատրաստման եղանակը.

1. Վերցրեք ջեռոցի համար նախատեսված շրջանաձև տարրա, կտրատեք եփած տավարի միսը, լցրեք տարրայի մեջ, շերտը ծածկեք մայոնեզով, դա կլինի առաջին շերտը

2. Մանր կտրատեք սոխը, ավելացրեք մսի շերտին, քսեք մայոնեզ

3. Երրորդ շերտը պահածոյացված լոբին է, նույնպես պատեք մայոնեզով

4. Մանր կտրատեք մարինացված վարունգը, ավելացրեք երրորդ շերտին, պատեք մայոնեզով

5. Կարտոֆիլը կտրատեք խորանարդաձև, դա կլինի հինգերորդ շերտը, նույնպես պատեք մայոնեզով

6. Կտրատեք լոլիկը խորանարդաձև, այս շերտը դասավորեք այնպես, որ կենտրոնում մնա սրտաձև ազատ տարածություն

7. Ձիթապտուղը բաժանեք երկու մասի և տեղավորեք կենտրոնում

8. Պատրաստի աղցանը 2-3 ժամով դրեք սառնարանը

Ստացվում է համեղ և սննդարար աղցան, որն անպայման դուր կգա ձեր հյուրերին և ընտանիքի անդամներին:

Բարի ախորժակ ...