Կոնտեն Չելսիի ղեկավարությանը խնդրել է գնել Ռեալի հարձակվողի տրանսֆերը
ՍՊՈՐՏ
Լոնդոնի «Չելսիի» գլխավոր մարզիչ Անտոնիո Կոնտեն ցանկանում է իր թիմի կազմում տեսնել Մադրիդի «Ռեալի» հարձակվող Գարեթ Բեյլին:
Ինչպես հայտնում է «Sky Spօrts»-ը, լոնդոնցիները պատրաստվում են Դիեգո Կոստայի տրանսֆերից ստացված գումարով թիմ հրավիրել Ուելսի ազգային հավաքականի ֆուտբոլիստին: Կոստան ձմռանը տեղափոխվելու է «Աթլետիկո Մադրիդ»:
Իսպանական լրատվամիջոցները չեն դադարում խոսել այն մասին, որ «արքայական» ակումբի նախագահ Ֆլորենտինո Պերեսը ցանկանում է այս ամառ ազատվել 28-ամյա խաղացողի ծառայություններից: Նախկինում նշվում էր, որ Գարեթ Բեյլը կարող է կարիերան շարունակել անգլիական մեկ այլ ակումբում՝ «Մանչեսթեր Յունայթեդում»:
Ներկայումս մադրիդցիների հարձակվողը շարունակում է բուժվել վնասվածքից: Ապաքինման ժամկետները դեռևս պարզ չեն:
