Բռնաբարել է անպաշտպան կնոջը, ապա՝ սպանել դաժանաբար
ՀԱՍԱՐԱԿՈՒԹՅՈՒՆ
2014թ. սեպտեմբերին Լոռու մարզի Գուգարք գյուղում սպանություն կատարելու մեջ մեղադրվող, 20 տարվա ազատազրկման դատապարտված Արմեն Ղ.-ի փաստաբանը Վերաքննիչ դատարան է բողոքարկել առաջին ատյանի դատավճիռը:
Ամբաստանյալի պաշտպանը վերաքննիչ դատարանից պահանջել է արդարացնել Արմեն Ղ.-ին, իսկ արդարացման դատական ակտ չկայացնելու դեպքում դատավճիռը բեկանել եւ քրեական գործն ուղարկել նույն դատարան` նոր քննության:
Ինչպես NEWS.am-ը տեղեկանում է դատական տեղեկատվական համակարգից,2014թ. սեպտեմբերի 18-ին Գուգարք գյուղում տան ննջասենյակի հատակին հայտնաբերվել էր տան բնակչուհու դին` պարանոցի շրջանում կտրած վերքերով: Սպանված բնակչուհու եղբորորդի նույնպես կրծքավանդակին ստացած մարմնական վնասվածքով տեղափոխվել էր բժշկական կենտրոն:
2014թ. սեպտեմբերի 22-ին հանցագործությունը կատարելու կասկածանքով ձերբակալվել էր Արմեն Ղ.-ն: Պարզվել էր, որ նրան Արագածոտնի մարզի Ծիլքար գյուղի բնակչի տնից մեկ հատ համակարգիչ, բջջային հեռախոս եւ կնոջ պայուսակ հափշտակելու դեպքով հարուցված քրեական գործով եւս մեղադրանք է առաջադրվել նրան, այդ գործը միացվել է քրեական գործին եւ նախաքննությունը շարունակվել է մեկ վարույթում:
