Անսպասելի հարված է լինելու…
ՊԱՏՄՈՒԹՅԱՆ ԱՅՍ ՕՐԸ
Մի քանի օր հանրությանը լարված, պիկային վիճակում պահել ու պետական այրերից ոչ մի բառ չլսե՞լ…
Հեռուստատեսությունը արտակարգ ռեժիմով է հանդես գալիս ու միշտ նույն բառերը կրկնում: Ասես ձայնագրել ու միացրել են: Հատկապես Հունանյանի մասով:
Պեղած- հանած, ժողովրդի համար անընդունելի, ներվեր սղոցող քաղաքական գործիչներին բեմ հանել ու խորհուրդներ տա՞լն է լուծումը:
Մտածում եմ, որ հանրության կողմից ընդունված մի մտավորական խոսի, բայց ոնց որ միտքս ոչ մեկի վրա կանգ չի առնում: Էդ ո՜նց եղավ, որ մի զուլալ աղբյուր էլ չկա, որ հանրությունը մի քիչ ջուր խմի, հովանա…
Հոգևորն էլ ավա՜ղ ավերված…
Ու սա համարվում է արտակարգ ռեժիմո՞վ աշխատել, երբ պետական բոլոր լծակները լռում են, իսկ ոստիկանությունը զբաղված է մարդկանց ոստիկանություն տանել- բերելով-ծեծելով- բռնություններով…
Մի տեսակ խաղի եմ նմանեցնում: Դաժա՜ն խաղի: Երբ մարդիկ ծիծաղում են՝ ոստիկանությունը չի կարողանում իր առաջին դեմքերին ազատի…
Կարծես ի սկզբանե խաղն ընթանում էր այս հունով, որ հետո պատասխանն անսպասելի չլինի հանրության համար… Բանակցու՜մ էինք ու քանի՜ օր… Արտակարգ ռեժի՜մ էր ու քանի օր:
Բոլորս կարծես մասնակիցն ենք դառնում այս դաժան խաղի… Անսպասելի հարված է լինելու, չե՞ք տեսնում` ուր է տանում այս խաղը: Ու կասեն՝ սպասելի՞ չէր դա...
Ամեն ինչ արվում է՝ հարվածը սպասելի դարձնելու համար:
Հասմիկ Բաբաջանյան
Նյութի աղբյուրը ` hraparak.am
