Մարդիկ ծաղիկներ ու փափուկ խաղալիքներ են տանում շենքի մոտ, որի 9-րդ հարկից ընկել է ռեփեր MiyaGi-ի որդին (լուսանկարներ)
ՖՈՏՈ
MiyaGi կեղծանվամբ հանդես եկող հայտնի ռեփեր Ազամատ Կուձաևի ընտանիքում տեղի ունեցած ողբերգությունից հետո մարդիկ ծաղիկներ ու փափուկ խաղալիքներ են տանում շենքի մոտ, որի 9-րդ հարկի բնակարանի բաց պատուհանից վայր է ընկել ռեփերի մեկուկես տարեկան որդին։
Ինչպես նշում է kp.ru-ն, ողբերգությունը տեղի է ունեցել հինգշաբթի ցերեկը: Երեխայի հետ տանը միայն մայրն է եղել: Ոստիկանությունը պարզել է, որ կինը կարճ ժամանակով երեխային միայնակ է թողել խոհանոցում ու գնացել կողքի սենյակ: Մեկ րոպե անց վերադառնալուց հետո մայրը փոքրիկ տղային խոհանոցում չի հայտնաբերել:
Ենթադրաբար, տղան բարձրացել է լուսամուտագոգին ու քաշել-բացել պատուհանը, որի տակ ամբողջությամբ ասֆալտապատ տարածք է, ուստի՝ երեխան ողջ մնալու որևէ շանս չի ունեցել: Երեխան կյանքի հետ անհամատեղելի վնասվածքներ է ստացել ու մահացել նախքան շտապօգնության ժամանումը:
Այժմ ռեփերի շենքին անընդհատ մեքենաներ են մոտենում: Բարեկամներն ու ծանոթները գալիս են աջակցելու զույգին ու հրաժարվում են մեկնաբանություն տալուց:
«Հարգանք, կարեկցանք ցուցաբերեք: Մարդկանց մոտ մեծ ցավ է: Մի՛ զզվացրեք Ազամատին ու նրա կնոջը»,-ասել է 40 տարեկանին մոտ մի մարդ:
Աղբյուրը հավելում է, որ բնակարանից լսվում է կնոջ լացի բարձր ձայն:
Շենքի բնակչուհիներից մեկը պատմել է, որ MiyaGi-ն ընտանիքի հետ վարձակալած տանն է ապրում մի քանի ամիս:
Նենք, որ 26-ամյա MiyaGi-ն ծնունդով Վլադիկավկազից է: Նա երաժշտությամբ է սկսել զբաղվել 2011թ.-ից, սակայն առավել մեծ ճանաչում է ստացել ռեփեր Էնդշպիլի հետ միավորվելուց հետո:
