Տարածված սխալներ, որոնք հանգեցնում են կարիեսի առաջացման

Ատամները մաքրելու ամենօրյա պրոցեդուրան արդեն սովորական է դարձել մարդկանց համար, սակայն քչերն են մտածոմ ատամները ճիշտ մաքրելու մասին: Ձեև ուշադրությանն ենք ներկայացնում ամենատարածված սխալները, որոնք հանգեցնում են կարիեսի առաջացման:

Երեկոյան ատամները չմաքրելը

Ոմանք ատամները մաքրում են միայն առավոտյան, իսկ երեկոյան պրոցեդուրան փոխարինում են միայն ողողումով: Այս սխալի հետևանքով վնասակար բակտերիաները քայքայում են ատամների էմալը, ինչն էլ դառնում է կարիեսի և ատամների ու լնդերի այլ հիվանդությունների առաջացման պատճառ:

Ուտելուց հետո ատամները լվանալը

Սննդամթերքում ու ըմպելիքներում պարունակվող թթուն քայքայում է էմալն ու դենտինը, իսկ ուտելուց հետո ատամները լվանալու դեպքում մարդիկ էլ ավելի են վատացնում վիճակը՝ արագացնելով ատամների քայքայման գործընթացը:

Խոզանակով ատամներին ուժեղ սեղմելը

Ատամները մաքրելու ընթացքում խոզանակով ատամներին ու լնդերին ուժեղ սեղմելու դեպքում մանր վնասվածքներն անխուսափելի կլինեն: Այս դեպքում կարող են առաջանալ նաև ոչ շատ խորը փոսեր լնդերի եզրերի մոտ, որոնք ժամանակի ընթացքում կարող են ախտահարել ոչ միայն էմալը, այլև ատամների ոսկրային հյուսվածքները:

Ատամների համար նախատեսված հատուկ թել չօգտագործելը

Ատամների համար նախատեսված հատուկ թելի օգտագործումը կօգնի նվազեցնել ուտելուց հետո լնդերի և ատամների վրա կուտակվող փառը, որը պարունակում է հսկայական քանակությամբ վտանգավոր բակտերիաներ: Այդ բակտերիաների աճը հանգեցնում է բորբոքումների, արյունահոսությունների և բերանի խոռոչի տհաճ հոտի առաջացման:

Ատամի խոզանակը հազվադեպ փոխելը

Ատամնաբույժները խորհուրդ են տալիս փոխել ատամի խոզանակը 2-3 ամիսը մեկ: Ուսումնասիրությունները ցույց են տվել, որ մարդիկ, որոնք հազվադեպ են փոխում իրենց ատամի խոզանակը, հաճախ են տառապում լնդերի բորբոքումից՝ գինգիվիտից:

Նյութի աղբյուրը՝ med.tert.am