«Ամերիկայի առաջին տիկին»․ Քիմ Քարդաշյանը՝ Ժաքլին Քենեդիի կերպարում, Interview magazine-ի համար ֆոտոշարքում
ՖՈՏՈ
Interview magazine պարբերականը Քիմ Քարդաշյանին «ԱՄՆ-ի առաջին տիկին» է անվանել եւ պարբերականի սեպտեմբերյան համարում ներկայացրել 36-ամյա հայուհու ֆոտոշարքը՝ այն ուղեկցելով ոչ մեծ հարցազրույցով։
Ֆոտոշարքում ռեալիթի-շոուի աստղը ներկայացել է Ժաքլին Քենեդիի կերպարում։
Սակայն համացանցում այն արդեն բացասական արձագանք է առաջացրել, որտեղ շատ օգտատերերը հայտարարում են, թե ինչու՞ հանկարծ պարբերականը որոշեց, որ Քիմն «Առաջին տիկին է»։ Շատերը մատնանշում են փաստը, որ հայուհին մաշկի շատ մուգ գույնով է ներկայացել։
Ֆոտոշարքը տեղի է ունեցել Նյու Յորքում՝ National Arts Club-ում։
Հայուհուն լուսանկարել է Սթիվեն Քլյայնը։
«Ամեն անգամ, երբ Քիմի հետ եմ աշխատում, մենք յուրաքանչյուր ֆոտոշարքի նորովի ենք մոտենում։ Մենք աշխատում ենք այնպես անել, որ նոր ֆոտոթեստն ընդհանուր ոչինչ չունենա նրանց հետո, որոնք նա արել է նախկինում։
Այս ֆոտոշարքում ես ցանկանում էի ընդգծել նրա կանացիությունը, ինչպես նաեւ ուժն ու հարգանքը։ Քիմը քամելեոն է, նա դյուրությամբ է վերածվում անհրաժեշտ կերպարի՝ կախված իրավիճակից։ Նա ժամանակակից աշխարհի մուսան է», - նշել է հայտնի լուսանկարիչը։
Քիմը՝ 2000 դոլար արժողությամբ Michael Kors-ի զգեստով։
«Ես եւ Քանյեն հաճախ կասկածում ենք՝ արդյոք ճի՞շտ ենք անում, երբ մեր երեխաներին ցուցադրում ենք ռեալիթի-շոուում։ Իմ երեխաները սովորական կյանքով են ապրում եւ երբեմն ինձ թվում է, որ ռեալիթի-շոուն նրանց տեղը չէ։ Ես առանց այն էլ սոցիալական մեդիայում շատ բաց եմ եւ հաճախ եմ հրապարակում երեխաներիս լուսանկարները»,-հայտարարել է Քիմը՝ լուսանկարվելով Նորթի հետ։
Երբ հայուհին չի նկարահանվում շոուում, նա․
«Ես արթնանում եմ առավոտյան ժամը վեցին, մարզանք եմ անում, հետո երեխաներիս ու ամուսնուս համար նախաճաշ եմ պատրաստում։
Օրվա ընթացքում որդուս տանում եմ երաժշտության դասերի, իսկ դստերս՝ ձիավարժանքի»,-հայտարարել է Քիմը։
