Արդյունավետ տնական դիմակներ դեմքի յուղոտ մաշկի համար

Դեմքի յուղոտ մաշկի համար նախատեսված դիմակները ոչ միայն պետք է մաքրեն ու չորացնեն բորբոքումները, այլեւ խոնավեցնեն մաշկը: Ներկայացնում ենք երկու դիմակ, որոնք խորհուրդ ենք տալիս գործածել:

Մաքրող դիմակ

Այս դիմակի համար անհրաժեշտ են հետեւյալ բաղադրիչները. ձվի սպիտակուց, վարսակի փաթիլներ, մեղր, թեյի ծառի յուղ, որը հրաշալի պայքարում է բորբոքումների դեմ: Սպիտակուցը հարեք, մի քիչ մեղր եւ երկու գդալ վարսակի փաթիլներ ավելացրեք: Պետք է միատարր զանգված ստացվի: Սրան ավելացրեք երկու կաթիլ թեյի ծառի եթերայուղ: Ստացված զանգվածը քսեք մաքուր դեմքին, 15-20 րոպե անց լվացեք սառը ջրով: Այս դիմակը կարելի է օգտագործել շաբաթը մեկ անգամ:

Ծակոտիները նեղացնող դիմակ

Այս դիմակի պատրաստման համար երկու բաղադրիչ է պետք՝ ձվի սպիտակուց եւ կիտրոնի հյութ: Նախ հարկավոր է լավ հարել սպիտակուցը, հետո մի քանի գդալ կիտրոնի հյութ ավելացնել: Ստացված խառնուրդը երկու հավասար մասի բաժանեք: Ցանկալի է այս դիմակը թարմ օգտագործել, խորհուրդ չի տրվում այն սառնարանում պահել:

Մաշկը խոնավեցնելու եւ ծակոտիները նեղացնելու համար խառնուրդի մի մասը դեմքին քսեք, իսկ երբ այն չորանա, քսեք նաեւ երկրորդ մասը: Այս դիմակը հարկավոր է լվանալ սառը ջրով, հետո բարակ շերտով խոնավեցնող կրեմ քսել: Մաշկը կշողա եւ անհավանական գեղեցիկ տեսք կունենա: Իսկ եթե կոմբինացված մաշկ ունեք, այս դիմակը քսեք միայն ճակատին, քթին եւ կզակին:

Աղբյուրը՝ ladies-charm.ru