«Ուժեղ Հայաստան» կուսակցությունը Փաշինյանի խուճապն է պատռճառ համարում կուսակցության առաջնորդների ճնշումների համար

«Ուժեղ Հայաստան» կուսակցությունը իր առաջնորդների տների խուզարկությունները կապել է ՀՀ վարչապետ Նիկոլ Փաշինյանի նոր սահմանադրության ընդունման դժվարությունների հետ։ Այդ մասին քաղաքական կուսակցությունը հայտարարել է իր հայտարարության մեջ, գրում է rosbalt.ru–ն։ «Փաշինյանը խուճապի մեջ է, քանի որ պարտություն է կրում սահմանադրության ընդունման գործում... Փաշինյանը վախից հրամայել է նոր խուզարկություններ և ձերբակալություններ։ Նա վախենում է, որ «Ուժեղ Հայաստան»-ը կհաղթի անկախության համար այս պայքարում, քանի որ ժողովուրդը մեր կողքին է», - հայտարարել է կուսակցությունը։

Հիշեցնենք, որ  վերջերս Փաշինյանը չի բացառել արտահերթ խորհրդարանական ընտրությունները, եթե չկարողանա համոզել ընդդիմությանը աջակցել նոր սահմանադրության նախագծին հանրաքվեի համար։ Բանն այն է, որ իշխող «Քաղաքացիական պայմանագիր» կուսակցությունը չունի անհրաժեշտ սահմանադրական մեծամասնություն։ Վարչապետը նոր սահմանադրության անհրաժեշտության մասին խոսել էր դեռևս 2024 թվականի հունվարին այդ նախաձեռնությունը որակելով որպես «երկրի կենսունակություն նոր աշխարհաքաղաքական պայմաններում»։ Ադրբեջանը, որը Հայաստանի սահմանադրության մեջ տարածքային պահանջներ է տեսնում Բաքվի նկատմամբ, նույնպես պնդում է սահմանադրության փոփոխության վրա։

Նյութը հրապարակման պատրաստեց Կամո Խաչիկյանը

www.1or.am