«Ավելի ու ավելի է նմանվում Ուկրաինային». Ի՞նչ է գրվում Հայաստանի խորհրդարանում տեղի ունեցած զանգվածային ծեծկռտուքի մասին

ՀՀ խորհրդարանում նիստի փոխարեն տեղի է ունեցել թռչող կահույքի լիարժեք շոու։ Իշխող կուսակցության և ընդդիմադիր դաշինքի պատգամավորները բախվել են բռունցքներով և աթոռներով, գրում է vfokuse.mail.ru–ն։ 

Հոկտեմբերի 29-ին Հայաստանի Ազգային ժողովի նիստը սկսվել է Հաշվիչ պալատի անդամի թեկնածության քննարկմամբ, սակայն օրակարգը արագ փոխվել է. իշխող «Քաղաքացիական պայմանագիր» կուսակցության պատգամավոր Տարոն Չախոյանը բարձրացել է ամբիոն և որոշել հիշեցնել ընդդիմությանը նախընտրական խոստումների մասին։ Նա դիմել է «Ուժեղ Հայաստան» խմբակցության ղեկավար Նարեկ Կարապետյանին և նշել, որ նրա զարմիկ Սարգիս Կարապետյանը, ով կուսակցության համահիմնադիրներից է, դեռևս ներողություն չի խնդրել ընտրություններից առաջ արած վիճահարույց հայտարարության համար։ «Եռանկյունի» փոդքասթում Կարապետյանը աջակցել էր «Սեքսի նախարարություն» ստեղծելու գաղափարին և հայտարարել, որ եթե ընդդիմությունը իշխանության գա, երկրում սեռական հիասթափություն ունեցող կին չի մնա։ Չախոյանը պահանջել է ներողություն խնդրել, որը, նրա պնդմամբ, այդպես էլ չի եղել։ Սա հանգեցրել է վեճի, որը վերածվել է զանգվածային ծեծկռտուքի, որին մասնակցել են երկու կողմերի մի քանի տասնյակ պատգամավորներ։ Այս ամենը տեղի է ունեցել ուղիղ եթերում: 

News.am-ի տվյալներով խորհրդարանի փոխխոսնակ Վահագն Ալեքսանյանը աթոռ է նետել ընդդիմադիր պատգամավորների ուղղությամբ։ Մի պատգամավորի քթից արյունահոսություն է եղել, իսկ մյուսի հագուստն է պատռվելց։ Խոսնակ Ռուբեն Ռուբինյանը սկզբում հրաժարվել է դադարեցնել նիստը նշելով, որ «բոլորը պետք է տեսնեն սա», սՍակայն, երբ մասնակիցներից մեկը հայտնվել է ամբիոնում, նա ընդմիջում հայտարարել է ընդմիջում և կանչել անվտանգության ծառայությանը։ Տեխնիկական դադարը տևեց ավելի քան 40 րոպե։ Շտապօգնություն է ժամանել խորհրդարանի շենք։ Ըստ լրատվամիջոցների տեղեկությունների կռիվը շարունակվել է շենքի միջանցքում, և անվտանգության ծառայությունը ստիպված է եղել դադարեցնել ծեծկռտուքը։

Դեպքից հետո երկու կողմերն էլ մեղքը բարդել են միմյանց վրա։ Ռուբինյանը հայտարարել է, որ ինքը դիտել է տեսանյութը և Չախոյանի խոսքերում վիրավորանքներ չի գտել։ Վարչապետ Նիկոլ Փաշինյանը աջակցել է իր խմբակցության գործողություններին, սակայն ընդգծելով բռնության դատապարտումը։ Երբ լրագրողը ասել է, որ աթոռ է օգտագործվել, նա պատասխանել է. «Անկախ նրանից աթոռ էր, թե ինչ-որ այլ բան, ես կողմ եմ դրան։ Այն համաչափ և տեղին էր»։ Իր հերթին, ընդդիմությունը ծեծկռտուքը որակել է որպես սադրանք և մեղադրել խոսնակին անգործության մեջ։ «Ռուբինյանը խրախուսեց տեղի ունեցողը։ Նա խորհրդարանի ամենավատ խոսնակն է, նույնիսկ ավելի վատ, քան Ալեն Սիմոնյանը։ Նա կարող էր դադարեցնել նիստը տեսնելով, թե որքան լարված էր իրավիճակը։ Բայց նա անկեղծորեն ասաց. «Ես չեմ ընդհատի,  եթե ուզում եք կռվել, շարունակեք»։ Հնարավոր է, որ սա պլանավորված էր, բայց նույնիսկ եթե ոչ, խոսնակը չպետք է լռեր: Նա պետք է ապահովի խորհրդարանի բնականոն գործունեությունը, ինչը նա չկարողացավ անել», - նշել է «Հայաստան» խմբակցության ղեկավար Աննա Գրիգորյանը։

Հարկ է նշել, որ պատգամավորները արդեն բախվել էին հոկտեմբերի 6-ին: Հակամարտությունը բռնկվել էր «Ուժեղ Հայաստան» խմբակցության պատգամավոր Էդգար Ղազարյանի ելույթի ժամանակ, ում միկրոֆոնը անջատել էր խորհրդարանի խոսնակ Ռուբինյանը համարելով, որ նրա ելույթը անհամապատասխան է օրակարգին: Բանավոր վեճը վերածվել էր ծեծկռտուքի, որը շարունակվել էր նախասրահում։

Սոցիալական ցանցերը ողողված են տեսանյութերով, որոնք համեմատում են 2014 թվականին Հայաստանի խորհրդարանում և Վերխովնա Ռադայում տեղի ունեցած ծեծկռտուքները: Ուկրաինայի նախկին պատգամավոր Օլեգ Ցարևը ավելի հեռուն է գնացել և օգտատերերի շրջանում հարցում անցկացրեց հարցնելով, թե ի՞նչն է ավելի լավ երկրի և ընտրողների համար. խորհրդարան վեճերով և ծեծկռտուքով, խորհրդարան վեճերով, բայց առանց բռունցքամարտի, թե՞ այդ ամենը միասին...

 «Հայաստանը գնալով ավելի է նմանվում Ուկրաինային «հարբած Եվրամիության շրջանակներում հարուստ կյանքի» գայթակղությամբ, որտեղ 50 միլիոն բնակիչ այս ձմռանը չի կարողանա վճարել ջեռուցման համար», - գրել է Telegram-ի «Երկու մեծեր» ալիքը։

Բլոգեր Միկա Բադալյանը կարծիք է հայտնել, որ ծեծկռտուքը «Քաղաքացիական պայմանագիր» կուսակցության հուսահատության արդյունք էր, որը չունի նոր Սահմանադրություն ընդունելու համար անհրաժեշտ մեծամասնություն։ Ավելին, ԵՄ-ն և Ադրբեջանը միջոցներ չեն տրամադրում ԵԱՏՄ-ից դուրս գալու հետևանքով կրած կորուստները փոխհատուցելու համար, և Ռուսաստանը կարող է իսկապես հեռացնել Հանրապետությունը այդ միությունից։ «ՔՊ–ն և անձամբ Փաշինյանը զրոյական ազդեցություն ունեն այս հանգամանքների վրա։ Հետևաբար ագրեսիան կարող է դրսևորվել միայն երկրի ներսում և միայն ընդդիմության դեմ։ Կլինեն շատ ավելի շատ ծեծկռտուքներ, կռիվներ և ձերբակալություններ։ Որքան վատանա իրավիճակը Փաշինյանի համար արտաքին աշխարհի հետ հարաբերություններում, այնքան ավելի ագրեսիվ կլինի նա երկրի ներսում։ Կռիվները կդադարեն միայն ընտրություններից հետո, ինչը կհանգեցնի ՔՊ–ի մեծամասնության կորստին», - ասել է նա։

Նյութը հրապարակման պատրաստեց Կամո Խաչիկյանը

www.1or.am