Սենատորը կոչ է արել արգելել հայ մարզպետ Առուշանյանի մուտքը Ռուսաստան

Ռուսաստանի Դաշնային խորհրդի կանոնակարգերի հանձնաժողովի նախագահ Վլադիմիր Ջաբարովը առաջարկել է քննարկել Շիրակի մարզպետ Դավիթ Առուշանյանի մուտքը Ռուսաստան արգելելու հարցը, քանի որ նա անհարգալից արտահայտություններ է արել ռուսների հասցեին նրանց «Իվաններ» անվանելով, գրում է ria.ru–ն։

Ավելի վաղ Առուշանյանը Facebook-ում քննադատել էր «Ուժեղ Հայաստան» ընդդիմադիր կուսակցության կողմից կազմակերպված Շիրակի օրվա տոնակատարությունները մասնավորապես գրելով, որ «Գյումրեցիները ձեր Իվանները չեն»։ 

«Շիրակի մարզպետ Դավիթ Առուշանյանը թույլ է տվել իրեն նսեմացնող արտահայտություններ անել ռուսների հասցեին նրանց «Իվաններ» անվանելով։ Ես կարծում եմ, որ նման արտահայտությունները պետք է իրական պատասխանատվությամբ ընդունվեն։ Ճիշտ կլինի, որ մեր Արտաքին գործերի նախարարությունը քննարկի Դավիթ Առուշանյանի մուտքը Ռուսաստան արգելելու հարցը», - գրել է Ջաբարովը Max հարթակի իր էջում։

Սենատորը կարծում է, որ Առուշանյանին պետք է հիշեցնել պատմական փաստերի մասին։ «Հենց այդ «Իվաններն» էին, որ մի ժամանակ փրկեցին Հայաստանը ցեղասպանությունից, իսկ հետո ամբողջ աշխարհը՝ ֆաշիստական ​​«դարչնագույն ժանտախտից»։ Եվ այսօր մեր սահմանապահներն ու 102-րդ ռազմաբազան են տեղակայված Շիրակում պաշտպանելով տեղի բնակիչների անդորրը։ Անտեղի հռետորաբանության փոխարեն մարզպետը պարզապես պետք է շնորհակալություն հայտնի», - ընդգծել է քաղաքական գործիչը։ 

Ջաբարովի խոսքով, երբ պաշտոնյան նման նսեմացնող դիտողություններ է անում, դա պարզապես էթնիկական ատելություն հրահրելու փորձ չէ։ «Մեր դեսպանատունը ճիշտ արձագանքեց զուգահեռներ անցկացնելով Հայրենական մեծ պատերազմի ժամանակ նացիստական ​​բառապաշարի հետ։ Դժբախտաբար, այդ պաշտոնյան հետևում է արևմտյան ՀԿ-ների (ոչ կառավարական կազմակերպությունների) ստանդարտ ձեռնարկներին, որոնց մենք արդեն տեսել ենք գործողության մեջ Ուկրաինայում, Մոլդովայում և Բալթյան երկրներում ռուսաֆոբ կարգախոսներ քարոզելիս», - եզրափակել է սենատորը։

Նյութը հրապարակման պատրաստեց Կամո Խաչիկյանը

www.1or.am