Ավտովթար չէր եղել. փայտով ծեծի էին ենթարկել 57-ամյա տղամարդուն

Հուլիսի 4-ին, ժամը 9.25-ին, շտապօգնության կայանից ոստիկանության Տարոնի բաժնում հաղորդում էր ստացվել, որ «գլխի եւ դեմքի կտրված վերքեր, ձախ ձեռքի հեմատոմա» ախտորոշմամբ տանը բուժօգնություն է ստացել եւ հիվանդանոց տեղափոխվել 57-ամյա Անդրանիկ Ա.-ն:

Ոստիկանության մամուլի ծառայությունից NEWS.am-ին հայտնում են, որ մեկնած օպերատիվ խումբը պարզել է, որ Անդրանիկ Ա.-ն վնասվածքը ստացել է նույն օրը, ժամը 4.00-ի սահմաններում, իրեն անծանոթ տաքսի ավտոմեքենայի վարորդի կողմից Շիրակի խճուղու սկզբնամասում վթարի ենթարկվելու հետեւանքով:

Նշանակվել է դատաբժշկական փորձաքննություն:

Ձեռնարկված օպերատիվ-հետախուզական եւ քննչական գործողությունների շնորհիվ պարզվել է, որ Անդրանիկ Ա.-ի վնասվածքներն ավտովթարի հետեւանք չեն:

Բացատրական աշխատանքների շնորհիվ Լոռու մարզի քննչական վարչություն է ներկայացվել 58-ամյա Գագիկ Մ.-ն եւ հաղորդում տվել, որ հուլիսի 3-ին, ժամը 15.00-ի սահմաններում, Կ.Դեմիրճյան փողոցի թիվ 23 հասցեում գտնվող, չգործող սրճարանի տարածքում, վիճաբանության ժամանակ, 51-ամյա Մարտուն Խ.-ն ձեռքերով, ոտքերով եւ փայտով հարվածներ է հասցրել իր դեմքին, Անդրանիկ Ա.-ի եւ Բենիամին Դ.-ի մարմիններին՝ պատճառելով վնասվածքներ:

Նշանակվել են ԴԲՓ-ներ:

Քննությունը շարունակվում է: