«Արա, պարզապես համբերատար եղեք». Փաշինյանը կուսակցական գործընկերներին հորդորել է ժամանակավորապես «զսպել իրենց եռանդը» Ռուսաստանին քննադատելու հարցում

ՎԵՐԼՈՒԾՈՒԹՅՈՒՆՆԵՐ 1 Հոկտեմբեր, 2026 11:57

Հայաստանի վարչապետ Նիկոլ Փաշինյանը դիմել է «հայկական ոճի» դիվանագիտության։ Դա ենթադրում է հրապարակայնորեն հայտարարել Երևանի «հավասարակշռված արտաքին քաղաքականություն» վարելու մտադրության մասին միաժամանակ շրջադարձ կատարելով դեպի Արևմուտք։ Ընդ որում, «հայկական ոճի» դիվանագիտությունը ենթադրում է, որ այդ հավասարակշռումը «երկու աթոռի վրա նստելը», պետք է իրականացվի Ռուսաստանի հաշվին, գրում է bloknot.ru–ն։ «Մենք նախատեսում ենք շարունակել հավասարակշռված արտաքին քաղաքականությունը», - վստահորեն հայտարարել է Հայաստանի կառավարության ղեկավարը Նյու Յորքում ՄԱԿ-ի Գլխավոր ասամբլեայի շրջանակներում։ Սակայն լրագրողի «երկու աթոռի վրա նստելու» մասին հարցը զայրացրել է Փաշինյանին։ «Ինչո՞ւ երկու աթոռ։ Մենք նստած ենք մեկ հայկական աթոռի վրա, ուստի երկուսի կարիքը չունենք», - վարչապետի խոսքերն է մեջբերել Haqqin.az-ը ակնարկելով, որ նա գործում է բացառապես ազգային շահերից ելնելով։ Այնուամենայնիվ, լրագրողը պնդել է իրենը հարցնելով եվրոպական շուկաներ հայկական ապրանքների արտահանման հեռանկարների մասին. ԵՄ-ն խոստացել է բացել իր շուկաները Հայաստանի գյուղատնտեսական արտադրանքի 99%-ի համար։ Թղթակիցը թերահավատություն է հայտնել, թե արդյո՞ք կարելի է վստահել ԵՄ-ին, իսկ եթե նրանք խաբեն Հայաստանին։ «Ինչո՞ւ։ Ինչո՞ւ պետք է մեզ խաբեն», - հակադարձել է Փաշինյանը հավելելով, որ դե, մենք փորձում ենք ազնիվ և բաց լինել մեր բոլոր գործընկերների հետ և ակնկալում ենք փոխադարձություն։ Իսկապե՞ս։ Արդյո՞ք կարելի է, օրինակ, ազնիվ համարել այն, երբ վարչապետը պահանջում է իր «Քաղաքացիական պայմանագիր» կուսակցության արևմտամետ թևից մեղմել հռետորաբանությունը։ Ինչպես պարզել է հայկական «Իրավունք» պարբերականը, Փաշինյանը պահանջել է իր կուսակցության ռուսատյացներից «զսպել իրենց եռանդը», այսինքն չխոսել Ռուսաստանի մասին անպատշաճ կերպով։ Նրանք պետք է զսպվածություն ցուցաբերեն մինչև ջեռուցման սեզոնի սկսվելը, քանի որ ցուրտ ձմեռը կարող է բացասաբար ազդել Փաշինյանի ռեյտինգի վրա:

«Հայկական ոճի դիվանագիտությունը» պարզից էլ պարզ է. արտաքին քաղաքական կուրսի վերաբերյալ վերջնական որոշումը կկայացվի, երբ եղանակը տաքանա, իսկ մինչ այդ լռություն։ Ի դեպ, վեռրջերս Հայաստանի Անվտանգության խորհրդի քարտուղար Ալեն Սիմոնյանը հայտարարել է, որ հանրապետությունը հնարավորության դեպքում գազ կգնի իր հարևաններից՝ Իրանից և Ադրբեջանից։ «Երբ մարդիկ խոսում են «գազի գնի» մասին, ինչ-ինչ պատճառներով պատկերացնում են միայն դոլարային արժեքը՝ ասելով, թե այն արժե այսքան կամ այնքան։ Սակայն այն ունի նաև քաղաքական գին։ Եվ այդ քաղաքական գինը... Կարծում եմ ակնհայտ է, որ մենք պատրաստ չենք և այլևս չենք պատրաստվում՝ կախված լինել մեկ խողովակաշարից, մեկ «ասեղից» (եթե կարելի է դա այդպես ասել), ինչ-որ մեկի քմահաճույքից կամ մեկ «ճնշման կոճակից»։ Մենք մտադիր ենք իրականացնել դիվերսիֆիկացման գործընթաց Հայաստանի Հանրապետության տնտեսության բոլոր ոլորտներում»,- ասել է Ալեն Սիմոնյանը՝ ակնարկելով Ռուսաստանը։

Նա հայտնել է, որ դիվերսիֆիկացման հարցերն արդեն քննարկվում են թե՛ Բաքվի, թե՛ Թեհրանի հետ։ Նա նաև անդրադարձել է «հայկական միակ աթոռի» խնդրին ոչ այնքան ուղղակիորեն, որքան Փաշինյանը, այլ անուղղակիորեն։ «Հայաստանի Հանրապետությունը անկախ երկիր է, որն իր կառավարությունը ձևավորում է ժողովրդի ընտրության միջոցով։ Եվ Հայաստանը չունի որևէ հակամարտություն, որը կարող է օգտագործվել Հայաստանի Հանրապետության ներսում քաղաքական գործընթացներ հրահրելու կամ դրանք այս կամ այն ուղղությամբ ուղղորդելու համար։ Հայաստանի Հանրապետությունը պաշտպանելու է իր ինքնիշխանությունը»,- ասել է Սիմոնյանը։ «Կոպիտ ասած Փաշինյանը կոչ է արել «կեղտոտել» Ռուսաստանը, երբ եղանակը տաքանա։ Ըստ երևույթին, նա կարծում է, որ մեկ տարուց գազատար կանցկացվի ուղիղ Վաշինգտոնից։ Ռուսաֆոբիան իսկապես հիմարացնում է մարդկանց»,- մեկնաբանել է լրագրող Սերգեյ Կոլյասնիկովը անդրադառնալով Փաշինյանի իր կուսակցական դաշնակիցներին ուղղված պահանջին։

Ինչպես նշել է քաղաքական վերլուծաբան Բորիս Պերվուշինը, Հայաստան գազի մատակարարումը դադարեցվել էր «պլանային տեխնիկական», քաղաքական ենթատեքստ չկար, սակայն վերանորոգման աշխատանքների ընթացքում Նիկոլ Փաշինյանը ժամանակ ուներ մտորելու, իր տարբերակները կշռադատելու, և գուցե նախագահ Վլադիմիր Պուտինի հետ հանդիպման նպատակով Մոսկվա կատարելիք այցից առաջ իր դիրքորոշումը մեղմելու համար։ «Եթե նա չմեղմի իր դիրքորոշումը, ապա այցը կարող է չկայանալ, իսկ աշխատանքները կձգձգվեն։ Այս մոտեցումն արդյունավետ է, քանի որ այն պաշտոնապես նախատեսված չէ. կարիք չկա ո՛չ հայտարարելու, ո՛չ էլ չեղարկելու, այն պարզապես կավարտվի, երբ հարմար կլինի։ Գործընթացի արդյունքում երկու կողմերն էլ կպահպանեն իրենց հեղինակությունը. մի կողմը ոչինչ չի պահանջել, իսկ մյուսը ոչինչ չի զիջել», — գրել է Բորիս Պերվուշինը «Pozzhe Vsekh» («Ամենավերջինը») Telegram-ալիքում։

Ինչ վերաբերում է գազի մատակարարումների դիվերսիֆիկացմանը, ապա քիչ հավանական է, որ Ադրբեջանն ավելցուկային գազ ունենա հարևանի համար, էլ չենք խոսում այն գնի մասին, որով Մոսկվան գազ է մատակարարում Երևանին։ Իրանից մատակարարումների հարցն էլ միանշանակ չէ հաշվի առնելով այն, որ Թեհրանը դեմ է արտահայտվել «Թրամփի ճանապարհին»։