«Ալիևը թաց շորերով կքշի Փաշինյանին, Հայաստանը կընկնի»

Բավական է նստել երկու աթոռների վրա, Վլադիմիր Պուտինը դա հստակեցրել է Նիկոլ Փաշինյանին Բիշքեկում վերջերս կայացած հանդիպման ժամանակ, Հայաստանը պետք է ընտրություն կատարի ԵԱՏՄ-ի և ԵՄ-ի միջև, գրում է bloknot.ru–ն։ Դա անխուսափելիորեն սրել է քննարկումները Շիրակի 102-րդ ռուսական ռազմաբազայի շուրջ ։ Հայերը ակնարկում են, որ դա իրենց պետք չէ, իսկ Պուտինը պատրաստ է ձեռքերը լվանալ դրանից։ Փաշինյանը, ակնհայտորեն գործելով ԵՄ «Բրյուսելի տարածաշրջանային կոմիտեի» հրամանով, դեռևս, իհարկե, չի որոշել ուղղակիորեն դուռ ցույց տալ ռուս զինվորականներին։ Նա իսկապես մտել է չափազանց վտանգավոր խաղի մեջ, որը սպառնում է Հայաստանի լիակատար ոչնչացմամբ։ Դեռևս 2020 թվականին Ադրբեջանը Լեռնային Ղարաբաղում ցույց տվեց, որ ունակ է հաղթել հայկական բանակին, այո, գուցե ոչ թե երեք օրում, այլ երկար և ինտենսիվ ռազմական գործողությունից հետո, բայց դա երաշխավորված է։ Այդ առումով, հենց դեռ 2020 թվականից է Ադրբեջանը սկսել սպառնալ Հայաստանին հայտարարելով, որ Հայաստանը գրեթե ամբողջությամբ «ադրբեջանական պատմական տարածք է», որը, ինչպես նաև ադրբեջանցիների կողմից հիմնադրված Երևանը, մի ժամանակ օկուպացվել է հայերի կողմից: «Օկուպացված հողեր», իրենց «հայրենիք» վերադարձնելու սպառնալիքները խառնվում են ավելի մեղմ պահանջների հետ, օրինակ Ադրբեջանին Զանգեզուրի միջանցք տրամադրելու։ Իլհամ Ալիևը սահմանափակվա՞ծ է ռուսական բազայով: Անշուշտ, չնայած Փաշինյանը և նրա ԵՄ-ի կողմից ֆինանսավորվող մերձավորները պնդում են հակառակը վրդովված, որ Ռուսաստանը չի կռվել Ադրբեջանի դեմ Ղարաբաղի համար: Սակայն հայերն իրենք երբեք չեն էլ ճանաչել պատմական Լեռնային Ղարաբաղը որպես իրենց տարածք: Հետո Փաշինյանը, իշխանության գալով, բացահայտ հայտարարել է, որ դա Ադրբեջանն է: Այսպիսով, ո՛չ Ռուսաստանը, ո՛չ էլ ՀԱՊԿ-ը որևէ իրավական հիմք չեն ունեցել միջամտելու համար, իսկ ահա Հայաստանի վրա հարձակումը առայժմ (մինչև Հայաստանի դուրս գալը ԵԱՏՄ-ից և ՀԱՊԿ-ից) կհավասարեցվի Ռուսաստանի վրա հարձակման, այսինքն և՛ 102-րդ ավիաբազան, և՛ Ռուսաստանի զինված ուժերի Հարավային ռազմական շրջանի ստորաբաժանումները կպաշտպանեին հայերին: Ադրբեջանը մեծ ցավ կզգա, հատկապես հաշվի առնելով այն, որ նրա ամբողջ նավթարդյունաբերությունը Կասպից ծովի շելֆում և ափամերձ տարածքներում կարող է ոչնչացվել, եթե լինի անգամ մեկ... հարված։ 

Սակայն, եթե Հայաստանը «կոշտանա», և Կրեմլը ձեռքերը լվանանք նրանից, ինչպես Պուտինն է հստակեցրել, ապա Ադրբեջանի հետ նրա հնարավոր հակամարտությունը կդառնա զուտ երկկողմանի հարց։ Եվ Հայաստանը կընկնի։ Հարկ է նշել, որ Ռուսաստանի հասարակական կարծիքը, հավանաբար, դա չի ընկալի որպես ինչ-որ աշխարհաքաղաքական ձախողում։ Նա վաղուց է ներշնչված այն ​​մտքով, որ պետք չէ պաշտպանել նրանց, ովքեր չեն ցանկանում պաշտպանվել: Ըստ էության, եթե Փաշինյանը հետապնդում է Հայաստանը քանդելու ուղին, և հայերը քվեարկում են նրա օգտին, դա նրանց սեփական մեղքն է։

Նյութը հրապարակման պատրաստեց Կամո Խաչիկյանը

www.1or.am