Արբատ փողոցի վրա գտնվող «Արարատ» հայկական ռեստորանը փակվել է

Արբատ փողոցի վրա գտնվող «Արարատ» ռեստորանը հանկարծակի դադարեցրել է իր գործունեությունը,  հաստատությունը սոցիալական ցանցերում է հայտարարել իր փակման մասին։ «Այսօրվանից մեր ռեստորանը փակվում է։ Այս որոշումը մեզ համար հեշտ չէր, բայց մենք այն ընդունում ենք ձեզնից յուրաքանչյուրին անկեղծ երախտագիտությամբ», - գրել են նրանք, գրում է moskvichmag.ru–ն։

Սեփականատերերը չեն նշել փակման պատճառը, բայց շնորհակալություն են հայտնել հյուրերին այն տարիների համար, որոնց ընթացքում նրանք այնտեղ նշել են «ընտանեկան տոնակատարություններ, մտերմիկ երեկոներ և անց կացրել այլ միջոցառումներ»։

Արբատ փողոցի 32 հասցեում գտնվող ռեստորանը բացվել էր 2017 թվականի հուլիսից՝ ավելի քան ինը տարի առաջ։ Դա պատմական խորհրդային «Արարատը» կամ դրա իրավահաջորդը չէր, այլ համեմատաբար նոր ռեստորան նույն ցանցից, ինչ ՎԴՆԽ-ի «Արմենիա» տաղավարում գտնվող հաստատությունը (որը զգալիորեն ավելի հին է)։ Վերջինս կշարունակի գործել սովորականի պես։

«Արարատը» հիմնականում մասնագիտացած էր հայկական և կովկասյան խոհանոցի մեջ, չնայած ճաշացանկն ավելի լայն էր և ներառում էր նաև եվրոպական ուտեստներ: Ավանդական ուտեստների թվում էին հարիսան, քյուֆթան, տժվժիկը, խուրջինը, տոլման, խաշլաման և խաշը: Ճաշացանկում նաև խորոված, մսային ուտեստներ, խինկալի, խաչապուրի և սթեյքներ էին:

Զբոսաշրջիկները, հավանաբար, ամենաշատը կնկատեն այդ կորուստը. «Արարատը» գտնվում էր ուղեցույցներում ներկայացված գլխավոր հետիոտնային փողոցի վրա օտարերկրացիներին առաջարկելով հստակ սցենար. Պուշկինից, մատրյոշկա տիկնիկներից և առանձնատներից հետո գալիս էր հայկական ուտեստը: Դեռևս անհայտ է, թե ի՞նչ կբացվի «Արարատը» բարի փոխարեն, բայց թիվ 6/2 շենքում գտնվող «Եվգենիչ» բարի փոխարեն, հաղորդվել է, որ արդեն բացվել է «Եվգենի Շոցկի» բարը:

Նյութը հրապարակման պատրաստեց Կամո Խաչիկյանը

www.1or.am