Փաշինյանը առաջարկել է, որ Ղազախստանին և Ղրղզստանին դառնան TRIPP նախագծի բաժնետերեր

ՀՀ վարչապետ Նիկոլ Փաշինյանը առաջարկել է, որ Ղազախստանը և Ղրղզստանը դառնան TRIPP նախագծի բաժնետերեր, որը տրանսպորտային երթուղի է նախատեսված Հայաստանի միջոցով Ադրբեջանին Նախիջևանի հետ կապելու համար։ Բիշքեկ Նյուզը հաղորդել է, որ Երևանը պատրաստ է նախագծում իր բաժնեմասի 5%-ը փոխանցել երկու երկրներից յուրաքանչյուրին, գրում է eadaily.com–ը։

Հարցը, ըստ լուրերի, քննարկվել է ՀՀ վարչապետ Նիկոլ Փաշինյանի և Ղազախստանի նախագահ Կասիմ-Ժոմարտ Տոկաևի միջև հեռախոսազրույցի ժամանակ։ Սկզբում նախատեսվում էր, որ Հայաստանը կստանա TRIPP (Trump Route for International Peace and Prosperity) նախագծի, որը համատեղ նախագիծ է Միացյալ Նահանգների հետ, 26% բաժնեմաս։ Հիմա Երևանը պատրաստ է այս բաժնեմասի 5%-ը փոխանցել Ղազախստանին և Ղրղզստանին։

Զրույցի ընթացքում կողմերը քննարկել են նաև Հայաստանի երկաթուղիների կառավարումը Ղազախստանին փոխանցելու հնարավորությունը։ Աստանան դիտարկվում է որպես «հնարավոր գործընկեր, որը կարող է ավելի ակտիվ դեր խաղալ այդ ոլորտում»։

Զրույցից հետո Կասիմ-Ժոմարտ Տոկաևը հաստատել է հոկտեմբերին Հայաստան պաշտոնական այց կատարելու իր մտադրությունը։

TRIPP նախագիծն իրականացվում է ԱՄՆ միջնորդությամբ։ Այն նախատեսում է տրանսպորտային միջանցքի ստեղծում Հայաստանի միջով, որը կապում է Ադրբեջանի հիմնական մասը Նախիջևանի Ինքնավար Հանրապետության հետ։ Նախագիծը նաև դիտարկվում է որպես ավելի լայն տրանսպորտային երթուղու մաս, որը կարող է երկաթուղային կապեր բացել Պարսից ծոցի և Սև ծովի տարածաշրջանների միջև։ Նախկինում հայտարարված տեղեկատվության համաձայն նախագիծը պետք է իրականացնի ամերիկյան ընկերությունը, որին կարող են բացառիկ իրավունքներ տրամադրել մինչև 99 տարի ժամկետով ենթակառուցվածքները կառավարելու։ Ղրղզստանի համար TRIPP-ին հնարավոր մասնակցությունը հետաքրքրություն է ներկայացնում հիմնականում Եվրասիայում տրանսպորտային և առևտրային կապերի ընդլայնման համար։ Սակայն սա ներկայումս միայն հայկական կողմի առաջարկ է. Ղրղզստանի կողմից նախագծի բաժնետեր դառնալու համաձայնության վերաբերյալ որևէ պաշտոնական տեղեկատվություն չի հրապարակվել։

Նյութը հրապարակման պատրաստեց Կամո Խաչիկյանը

www.1or.am