Հայ գեներալ. Մենք առաջինն ենք դավաճանել ՀԱՊԿ-ին

Հայերը իրավունք չունեն վիրավորվելու իրենց ՀԱՊԿ դաշնակիցներիցայն ժամանակ, երբ նրանք շնորհավորում էին Ադրբեջանի նախագահ Իլհամ Ալիևին Լեռնային Ղարաբաղի նվաճման կապակցությամբ։ Այդ մասին իր տեսաբլոգում հայտարարել է ՀՀ նախկին պաշտպանության նախարար Արշակ Կարապետյանը, գրում է politnavigator.news–ը։

«Քանի՞ անգամ ենք մենք մասնակցել ՆԱՏՕ-ի, բայց ոչ ՀԱՊԿ-ի զորավարժություններին։ Պատերազմից առաջ Ռուսաստանը ասել էր. ՆԱՏՕ-ի զորավարժություններն անցկացվում են Ռուսաստանի դեմ, իսկ դուք մեր դաշնակիցն եք։ Մենք սիրում ենք ապտակ տալ, բայց չենք սիրում ապտակ ստանա»։ Նույնիսկ եթե «Ռուսաստանը դավաճանել է Հայաստանին», ի՞նչ եք կարծում։ Եկեք նայենք նախապատմությանը։ Քանի՞ անգամ է Ռուսաստանը խնդրել, որ այդ բիոլաբորատորիաներին թույլ չտան մուտք գործել Հայաստան։ Քանի՞ անգամ են ՀԱՊԿ-ի նկատմամբ գործնականում թշնամաբար տրամադրված ՆԱՏՕ-ի զորքերը զորավարժություններ անցկացրել Հայաստանի տարածքում, և դա ՀԱՊԿ-ի հետ պատերազմի նախապատրաստվելու համար։ Եվ ինչո՞ւ եք զարմացած, որ ՀԱՊԿ երկրների ղեկավարները շնորհավորել են Ադրբեջանին։ Ի դեպ, Ադրբեջանը երբեք իր տարածքում անց չի կացրել ՆԱՏՕ-ի զորավարժություններ, իսկ մենք մշտապես մասնակցել ենք։ Այսպիսով, ո՞վ մեզ դավաճանեց», - ասել էց Կարապետյանը։

Հիշեցնենք, որ վերջերս ՀՀ վարչապետ Նիկոլ Փաշինյանը հայտարարել էր, որ Ռուսաստանն ու Հայաստանը այլևս ռազմավարական դաշնակիցներ չեն։ Նրա խոսքով Ռուսաստանը չի կատարել ՀԱՊԿ-ի դաշնակցի իր պայմանագրային պարտավորությունները, երբ Հայաստանը 2022 թվականին պատերազմել է Ադրբեջանի դեմ։ Այն ժամանակ Երևանը պայքարում էր Արցախի (Լեռնային Ղարաբաղ) համար, որին ինքն էլ Փաշինյանի շուրթերով ճանաչել էր որպես ադրբեջանական տարածք։

Նյութը հրապարակման պատրաստեց Կամո Խաչիկյանը

www.1or.am