«Ռուսաստանը Կասպիական նավատորմը տեղակայեց Բաքվի հասանելիության գոտում». Բացատրել է նախկին պաշտպանության նախարարը զայրացնելով Ալիևին

«2020 թվականին եթե Ռուսաստանը չօգներ Հայաստանին, մենք պարզապես կդադարեցնեինք կրակոցները մեկ շաբաթվա ընթացքում։ Մենք ամեն ինչ կսպառեինք։ Հենց Ռուսաստանի գործողությունների շնորհիվ էր, որ Ադրբեջանը ստիպված եղավ դադարեցնել կրակը, չնայած Ալիևը և Էրդողանը կտրականապես դեմ էին հրադադարի որևէ համաձայնագրի ստորագրմանը և չէին ցանկանում հետաձգել Արցախի հարցը», - ասել է Կարապետյանը։

Այն ժամանակ նա աշխատում էր որպես վարչապետ Նիկոլ Փաշինյանի խորհրդական և հիմա պնդում է, որ Ադրբեջանի նախագահ Իլհամ Ալիևը համակարգել էր Արցախի վրա հարձակումը Միացյալ Նահանգների և ՆԱՏՕ-ի Եվրոպական հրամանատարության հետ։ Ընդ որում Վրաստանը՝ Վաշինգտոնի հրամանով, արգելափակել էր Ռուսաստանից Հայաստան զենքի մատակարարումը, բայց թույլ էր տվել Թուրքիայից հատուկ նշանակության ուժերին և վարձկաններին մուտք գործել Ադրբեջան։

«Ի պատասխան Ռուսաստանը իր Կասպյան նավատորմը տեղակայեց Բաքվին  մոտ և ռազմավարական ավիահարվածներ ձեռնարկեց։ Այսպիսով, Մոսկվան ստիպեց Ալիևին կանգ առնել։ Ավելին չեմ կարող ասել, բայց երբ ժամանակը գա, պատմաբանները կգրեն այն մասին, թե իրականում ի՞նչ է տեղի ունեցել և ո՞վ ում է օգնել», - ասել է Կարապետյանը։

Այս հիշողությունները պարզաբանում են այն, թե ինչո՞ւ է Ալիևը այսքան ագրեսիվ վարվում Ռուսաստանի և ռուսների նկատմամբ չնայած Մոսկվայի կողմից չափազանց բարյացակամության դրսևորումներին։ Ռուսաստանցի տեղեկատվական տեխնոլոգիաների մասնագետներին ձերբակալելով և ռուս քաղաքագետներին միջազգային հետախուզման մեջ դնելով Ադրբեջանի նախագահը արտահայտում է իր հիասթափությունը 2020 թվականի իր նապոլեոնյան ծրագրերի խափանման համար։

Նյութը հրապարակման պատրաստեց Կամո Խաչիկյանը

www.1or.am