Հայաստանում ավարտին է մոտենում Հիսուսի աշխարհի ամենաբարձր արձանի կառուցումը

Հայաստանում կառուցվում է Հիսուս Քրիստոսի արձանը, որի բարձրությունը գերազանցում է 100 մետրը: Այդ հուշարձանը, որի շինարարությունը նախատեսվում է ավարտել 2027 թվականին, կլինի Քրիստոսի ամենաբարձր արձանը աշխարհում, գրում է hristiane.net–ը: 

Հիսուս Քրիստոսին պատկերող այդ տպավորիչ արձանը գտնվում է Հատիս լեռան գագաթին և շինարարության վերջին փուլում է: Հայ գործարար Գագիկ Ծառուկյանի ղեկավարած նախագիծը ընթանում է չորս տարի: Ալյումինե արձանը 33 մետր բարձրություն ունի և խորհրդանշում է Հիսուսի կյանքի 33 տարիները: Այն կտեղադրվի 44 մետրանոց պատվանդանի վրա, որի արդյունքում նրա ընդհանուր բարձրությունը կհասնի մի փոքր ավելի քան 100 մետրի: Աշխատանքներն իրականացվում են փուլերով՝ Երևանի մոտակայքում գտնվող արհեստանոցում: Արձանը ներկայումս 90%-ով պատրաստ է և նախատեսվում է այն ավարտել մինչև 2027 թվականը: Նախատեսվում է նաև պատվանդանի վրա թանգարանի կառուցում և լեռան գագաթ հեշտ մուտք գործելու համար ճոպանուղի։

Գագիկ Ծառուկյանի համար այդ հուշարձանը նախատեսված է հիշելու Հայաստանի պատմական դերը քրիստոնեության մեջ: Երկիրը առաջին ինքնիշխան պետությունն էր, որը 301 թվականին քրիստոնեությունը որպես պաշտոնական կրոն ընդունեց։

Գործարարը կարծում է, որ Հայաստանը դատապարտված է հյուրընկալելու Հիսուսի աշխարհի ամենամեծ արձանը: Սակայն նախագիծը բախվել է Հայ Առաքելական Եկեղեցու դիմադրությանը, որը կարծում է, որ Հիսուսին պատկերող եռաչափ արձանները անհամատեղելի են աստվածաբանական և գեղարվեստական ​​​​ավանդույթներին: Բայց չնայած այդ դիմադրությանը  շինարարությունը շարունակվում է։

Ավարտվելուց հետո հուշարձանը կգերազանցի Ռիո դե Ժանեյրոյի Քրիստոս Փրկչի արձանին (38 մետր) և Նյու Յորքի Ազատության արձանին, որը 93 մետր բարձրություն ունի: Այսպիսով, այն պատրաստվում է դառնալ երկրի նոր խոշոր զբոսաշրջային տեսարժան վայր:

Նյութը հրապարակման պատրաստեց Կամո Խաչիկյանը

www.1or.am