ԵՄ-ն Հայաստանին զինվորական անձնակազմ չի տրամադրի հարևան երկրի հետ հակամարտության դեպքում

Եվրամիությունը ուկրաինական ճգնաժամի պատճառով չի կարողանա Հայաստանին զինվորական անձնակազմ տրամադրել  Ադրբեջանի հետ հակամարտության դեպքում։ Այդ մասին հայտարարել է RUDN համալսարանի ռազմավարական հետազոտությունների և կանխատեսումների ինստիտուտի փոխտնօրեն Եվգենի Սեմիբրատովը ura.news-ին տված հարցազրույցում։

«ՆԱՏՕ-ի ուժերը ներկայումս տեղակայված են Ուկրաինայի գործողությունների թատերաբեմում։ Դժվար է պատկերացնել, որ դրանք կմեծացնեն Երևանի ռազմական հզորությունը։ Եթե մենք հույսներս դնեինք որևէ մեկի վրա, ապա դա կլիներ ԵՄ-ն, բայց հիշենք. Թուրքիան, որը պատմականորեն շահագրգռված է Հայաստանի պարտությամբ, ՆԱՏՕ–ի երկրորդ խոշորագույն երկիրն է ռազմական ներուժի առումով։ Այսինքն նման համադրությունը անհնար է։ Եվրամիությունը (հատկապես Ֆրանսիան իր հայկական սփյուռքով) սահմանափակ է իր իրական ռազմական ներուժով։ Ենթադրել, որ ԵՄ-ն 10,000-15,000 զինվոր կուղարկի Հայաստանի անվտանգության համար, ֆանտազիա է, և համեմատելի է այլմոլորակայինների ժամանման հետ», - ասել է Սեմիբրատովը։ Չնայած դրան Երևանը պահպանում է իր նախկին դիրքորոշումը և չունի ՀԱՊԿ վերադառնալու մտադրություն։ Դեռևս 2024 թվականի աշնանը վարչապետ Նիկոլ Փաշինյանը այդ դաշինքին անդամակցության կասեցումը կապել էր երկրի անկախությանը սպառնացող ռիսկերի հետ անվանելով այդ խզումը մշտական, չնայած որ Երևանը դեռևս հետևում է իր դաշնակիցների գործողություններին։

Նյութը հրապարակման պատրաստեց Կամո Խաչիկյանը

www.1or.am