Փորձագետ. Փաշինյանին չի կարելի «սահեցնել» Ռուսաստանի հաշվին

Ռուսաստանը «պետք է մինչև վերջ վճռական լինի» և խզի Հայաստանի հետ գազի մատակարարման պայմանագիրը։

Էներգետիկայի փորձագետ Իգոր Ալաբուժինն է այդ մասին հայտարարել է «ՊոլիտՎերա» հեռուստաալիքին տված հարցազրույցում, գրում է politnavigator.news–ը: 

«Ռուսաստանի հաշվին ինչ-որ բանի հասնելու բիզնես պլանը, ցավոք, դեռևս ժողովրդականություն է վայելում։ Մենք դա տեսնում ենք Փաշինյանի օրինակով։ Նրանք ձևացնում են, թե ինչ-որ բան ունեն, ապա կտրուկ փոխվում են սկսելով բոլորովին այլ խաղ՝ միաժամանակ հղում անելով անցյալի պայմանագրերին։

Մենք պետք է ինչ-որ բան անենք, որպեսզի այդ բիզնես պլանը անհետանա։ Որպեսզի ոչ ոք նույնիսկ չմտածի նման բանի դիմելու մասին... Դմիտրի Անատոլիևիչին պետք է խնդրել բնութագրել սա», - ասել է Ալաբուժինը։ Նա հիշեցրել է, որ 2014 թվականին ԵՄ-ն, արդեն իսկ ստորագրելով ասոցացման համաձայնագիր Ուկրաինայի հետ, ևս մեկ տարի անցկացրեց փորձելով ստիպել Ռուսաստանին թույլ տալ ուկրաինական ապրանքները մուտք գործել իր շուկա առանց մաքսատուրքի։

«Նրանք Եվրոպայում խորհուրդ տվեցին Փաշինյանին. «Երգեք մի քանի գեղեցիկ խոսքեր Պուտինին, և այդ ժամանակ մենք կսկսենք բոլորովին այլ կերպ խոսել։ Ի վերջո, դա աշխատեց Ուկրաինայի դեպքում։ Ռուսներին դուր է գալիս, երբ մարդիկ խոսում են եղբայրության, ընդհանուր շահերի և պատմության մասին», - մեկնաբանել է Ալաբուժինը։

Նյութը հրապարակման պատրաստեց Կամո Խաչիկյանը

www.1or.am