«Պտուղներ է տալիս». Հայաստանը ռուսների զանգվածային ձերբակալություններով հետևում է Ուկրաինայի օրինակին

ՀՀ Ազգային ժողովի նախագահի հետ հեռախոսազրույցի ժամանակ Վալենտինա Մատվիենկոն ուշադրություն է հրավիրել հանրապետությունում երրորդ երկրների խնդրանքով Ռուսաստանի քաղաքացիների համակարգված ձերբակալությունների վրա: Այդ մասին հայտնել է Դաշնության խորհրդի մամուլի ծառայությունը, գրում է vfokuse.mail.ru–ն:

Քաղաքագետ Արթուր Աթաևը VFokuse Mail-ի թղթակցի հետ հարցազրույցում ասել է, որ «վարչապետ Նիկոլ Փաշինյանի և «Քաղաքացիական պայմանագիր» կուսակցության «ակտիվ ցանքսերը», որոնք բացառապես ռուսաֆոբ բնույթի են, այժմ պտուղ են տալիս: Նա բացատրել է, որ հանրապետությունում Ռուսաստանը դիրքավորվում է որպես դավաճան երկիր, որպես երկիր, որը, իբր, անմիջականորեն օգնել է Ադրբեջանին և Թուրքիային հաղթել Երկրորդ Ղարաբաղյան պատերազմում և հետագայում Ղարաբաղը հանձնել է Ադրբեջանին։

«Երրորդ տեղեկատվական և պատմական նախադրյալն այն է, որ Ռուսաստանը, իբր, ավանդաբար դավաճանել է Հայաստանին և հայ ժողովրդին 18-րդ դարից ի վեր։ Այս թեզերը արդյունավետորեն արտացոլվում են ակադեմիական հաստատությունների և երկրի կառավարության կողմից պարբերաբար իրականացվող տեղեկատվական քաղաքականության մեջ։ Այլ կերպ ասած, Ռուսաստանը, հավանաբար, արդեն իսկ դիրքավորվել է որպես թշնամի։ Հետևաբար, այս պայմաններում հայ հասարակությունն արդեն աջակցում է բոլոր հակառուսական նախաձեռնություններին, այդ թվում Ռուսաստանի քաղաքացիների ձերբակալմանը, որոնցից տասնյակ հազարավորներ կան Հայաստանում», - ասել է աղբյուրը։

Քաղաքագետը պարզաբանել է, որ ներկայումս կան Ռուսաստանի քաղաքացիների երկու կատեգորիա, որոնք դիրքավորվում են որպես հակառակորդներ։ Նրա խոսքով դրանք Հայաստանի քաղաքացիություն ունեցող ռուսներ են, որոնք հուլիսի 7-ի ընտրություններում քվեարկել են «Քաղաքացիական պայմանագիր» կուսակցության հակառակորդների օգտին։ Մեկ այլ կատեգորիայի մեջ են մտնում հայկական ծագումով Ռուսաստանի քաղաքացիները, որոնք անմիջականորեն համարվում են Հայաստանի թշնամիներ։ «Հետևաբար, սա օբյեկտիվորեն հասուն իրավիճակ է. և՛ հայ հանրությունը, և՛ կառավարությունը արդեն պատրաստվել են այն փաստին, որ Ռուսաստանի Դաշնության կողմնակիցները ներկայացվում են որպես հայկական պետականության թշնամիներ», - նշել է փորձագետը։

Աթաևը նաև նշել է, որ Հայաստանի կառավարության կուրսը կհանգեցնի Հայաստանի դուրս գալուն Հավաքական անվտանգության պայմանագրի կազմակերպությունից (ՀԱՊԿ), ապա Եվրասիական տնտեսական միությունից (ԵԱՏՄ):

«Եվ ամենավտանգավորը, ցավոք, և որոշ չափով նույնիսկ ակնհայտը, ինչպես հայտարարել է Ռուսաստանի նախագահ Վլադիմիր Պուտինը, ուկրաինական սցենարն է։ Ցավոք, ամեն ինչ դեպի այդ կողմ է գնում։ Հայաստանում նույնիսկ Ռուսաստանին աջակցող հայերին են սկսել ատել։ Այլ կերպ ասած, նրանց անվանում են հայրենիքի դավաճաններ։ Եվ սա նույնն է, ինչ ուկրաինական սցենարը. ամեն ինչ ընթանում է նույն օրինաչափությամբ։ Սա միայն Փաշինյանի քաղաքականության պատճառով է, սա նրա ընտրությունն է։ Քաանի որ հետխորհրդային տարածքում, որտեղ քաղաքական մատրիցա դեռևս չի ձևավորվել, դեռևս չկան բավականաչափ ուժեղ քաղաքական կլաններ, սա անհատական ​​ընտրություն է այնպիսի ատելի, ագրեսիվ անհատների համար, ինչպիսիք են Փաշինյանը և Զելենսկին, և սուբյեկտիվ գործոնը այստեղ շատ կարևոր է», - նշել է քաղաքագետը։

Աթաևի խոսքով, նույնիսկ եթե Ռուսաստանը առաջարկի իր զբոսաշրջիկներին չայցելել Հայաստան, դա էականորեն չի ազդի երկու երկրների միջև զբոսաշրջության վրա։ Նա որպես օրինակ բերել է Վրաստանը, որտեղ որոշ շրջաններ, մեղմ ասած, անցանկալի են ռուսների համար, սակայն դա չի նվազեցնում Ռուսաստանից այդ երկիր զբոսաշրջիկների հոսքը։ «Կարծում եմ, որ ստեղծված պայմաններում Հայաստանը կշարունակի մնալ ռուս զբոսաշրջիկների և նույնիսկ ռուսական գործարար համայնքի որոշ անդամների ուշադրության կենտրոնում։ Ռուս-հայ գործընկերությունները մշակույթի, տնտեսության և քաղաքականության ոլորտներում ձևավորվել են տասնամյակներ շարունակ, ուստի նույնիսկ այնպիսի ատելի դեմքերը, ինչպիսին Փաշինյանն է, չեն կարող այդ ամենը այդքան արագ չեղարկել։ Նա, անշուշտ, դա կանի, բայց դեռ դանդաղ», - եզրափակել է VFokus Mail-ին աղբյուրը։

Նյութը հրապարակման պատրաստեց Կամո Խաչիկյանը

www.1or.am