Աֆղանստանում ձերբակալվել են ՄԱԿ-ի աշխատակիցներ
ՄԻՋԱԶԳԱՅԻՆ
Աֆղանստանի հետախուզության վարչության աշխատակիցները ձերբակալել են Հերաթում ՄԱԿ-ի առաքելության երկու աշխատակցի․ հաղորդում է Afghanistan International-ը։
Ձերբակալությունը տեղի է ունեցել այն բանից հետո, երբ նրանք զեկույց են պատրաստել նահանգում կանանց ձերբակալման մասին։
Շրջանում բողոքի ցույցեր են բռնկվել կանանց համար նոր կանոնակարգերի, այդ թվում՝ դիմահարդարման արգելքի դեմ։
«Թալիբան» իսլամիստական շարժման հետախուզությունը ձերբակալել է աշխատակիցներին օգոստոսի 9-ի երեկոյան։ Նրանց հաջողվել էր հարցազրույց վերցնել տուժած կանանցից։
ՄԱԿ-ը հայտարարել է, որ դեռևս տեղյակ չէ աշխատակիցներին առաջադրված մեղադրանքներից և նրանց հետ հանդիպելու թույլտվություն չի ստացել։
ՄԱԿ-ի գրասենյակը կոչ է արել «Թալիբան»-ին հարգել ՄԱԿ-ի աշխատակիցների արտոնություններն ու անձեռնմխելիությունը։
Հերաթում բողոքի ցույցերը ցրվել են կրակոցներով։ Աղբյուրների համաձայն՝ ավելի քան 20 մարդ վիրավորվել է, իսկ երկուսը՝ սպանվել։ ՄԱԿ-ի առաքելությունը մեկնաբանություն է խնդրել։ Կազմակերպությունը գրանցել է առնվազն 30 կնոջ ձերբակալություն։
«Թալիբան»-ը նախկինում խստացրել էր կանանց համար կանոնակարգերը։ Ավելին՝ 2026 թվականի հունիսին ՄԱԿ-ը քննադատել է Աֆղանստանին մարդու իրավունքների խախտումների համար։
