Մասնագետի կարծիքը. Կարո՞ղ է ԵՄ շուկան ավելի լավ լինել Հայաստանի համար, քան ռուսականը

Հայկական գյուղատնտեսական արտադրանքի մինչև 98%-ը վաճառվում է Ռուսաստանում, և նման ծավալները արագորեն վերահասցեագրելը դեպի Եվրամիություն անհնար է, կարծում է քաղաքագետ և ՄԳԻՄՕ-ի պրոֆեսոր Վիկտոր Սողոմոնյանը։ Նա այդ մասին զրուցել է vesti.ru լրատվական գործակալության հետ։

«Այդ ծավալը այլ վայր վերահասցեագրելը չափազանց բարդ է և պարզապես անհնար է կարճ ժամանակահատվածում։ Դա նշանակում է տարիների աշխատանք։ Մյուս կողմից, Ռուսաստանի հետ 30 տարի և ԵԱՏՄ-ի հետ մի քանի տարի գործող կարգավորիչ շրջանակը հաստատված է, պաշտոնականացված, և մարդիկ սովոր են այնտեղ աշխատել, բայց հիմա կներդրվեն բոլորովին նոր կարգավորումներ», - ասել է Վիկտոր Սողոմոնյանը։

Նրա խոսքով, Ռուսաստանի հետ կարգավորիչ կապերը չեն կարող փոխարինվել մեկ գիշերվա ընթացքում. նույնիսկ լաբորատորիաների լիցենզավորումը ԵՄ չափանիշներին համապատասխան տևում է մինչև երկու տարի։ «Միայն հայկական գյուղատնտեսական փորձարկման լաբորատորիաների եվրոպական հաստատությունների հետ լիցենզավորումը տևում է մոտ մեկուկես-երկու տարի։ Սա հսկայական ժամանակահատված է հայ արտադրողների համար՝ եվրոպական բիզնեսների հետ հարաբերություններ հաստատելու համար», - բացատրել է պրոֆեսորը։

Նա նաև նշել է, որ գնորդ երկրների ցանկի պաշտոնական ընդլայնումը չի փոխում պատկերը։ «Պատկերացրեք, որ հայ պաշտոնյաները հիմա էլ հայտարարում են. «Մենք ընդլայնել ենք հայկական արտադրանք ստացող երկրների ցանկը»։ Այո, ցանկը որոշ չափով ընդլայնվել է, բայց ծավալները կատաստրոֆիկ ցածր են։ Այսինքն դա այլևս արտադրության 97% չէ, այլ ընդամենը 2-5%։ Այս առումով իրավիճակը անհամեմատելի է», - եզրափակել է նա։

Տնտեսական զարգացման նախարար Մաքսիմ Ռեշետնիկովի խոսքով Մոսկվայի ընդհանուր առևտրային շրջանառության մեջ Երևանի բաժինը չի գերազանցում 0.9%-ը, և Ռուսաստանի համար դժվար չի լինի փոխարինել հանրապետության արտահանումը այլ մատակարարներով։

Նյութը հրապարակման պատրաստեց Կամո Խաչիկյանը

www.1or.am