«Ավելի շուտ Հայաստանը կկռանա». Պետդումայի պատգամավորները հայտարարել են, որ ոչ ոք չի կարողանա Ռուսաստանին կզեցնել

Եվրամիությանը մոտենալով և Եվրասիական տնտեսական միության (ԵԱՏՄ) հետ հարաբերությունները խաթարելով Հայաստանի իշխանությունները ռազմավարական սխալ են թույլ տալիս, news.ru-ին ասել է Պետդումայի պատգամավոր Ալեքսանդր Տոլմաչովը: Նրա խոսքով Եվրոպան «կսեղմի այդ հանրապետությունը մինչև վերջ», և, «հավանաբար, Հայաստանը կփլուզվի ինքն իրեն», մինչդեռ «ոչ ոք երբեք չի կարողանա Ռուսաստանին կզցնել»:

«ՀՀ-ն ԵԱՏՄ-ի հարգված և լիիրավ անդամ էր: Սակայն Եվրոպան կփորձի այն վերածել ևս մեկ «դարպասի», «հետնամուտքի» դեպի Ռուսաստան: Այդ պահին էլ Հայաստանի նշանակությունը Եվրոպայում կսպառվի: Այն կչորացվի և «կկիսվի» արտադրության և առևտրի չափանիշներով, ինչը կխանգարի նրան ազատորեն բիզնես վարել, ինչպես նախկինում, ԵԱՏՄ-ի շրջանակներում», – բացատրել է պատգամավորը:

Տոլմաչովը նաև զգուշացրել է ՀՀ վարչապետ Փաշինյանին Ռուսաստանի հասցեին ուղղված կոշտ հռետորաբանության հարցով: Նրա խոսքով «ոչ ոք երբեք չի կարողանա ծռել» Ռուսաստանին:

«Ոչ ոք չի կարող դա անել: Հայաստանը, հավանաբար, ինքնուրույն կփլուզվի, եթե շարունակի իր «ակրոբատիկ» ասոցիացիաները»,– հավելել է Տոլմաչովը: Ավելի վաղ Պետդումայի միջազգային հարցերով հանձնաժողովի փոխնախագահ Ալեքսեյ Չեպան Եվրասիական տնտեսական միության վերաբերյալ Փաշինյանի քննադատությունը կապել էր Եվրամիությանը միանալու իր ուղին արդարացնելու նրա փորձերի հետ։ Պատգամավորի խոսքով վարչապետի ԵԱՏՄ-ի վերաբերյալ կոշտ հայտարարությունները անհիմն են։

Նյութը հրապարակման պատրաստեց Կամո Խաչիկյանը

www.1or.am