Էբոլա տենդով հիվանդների թիվը Կոնգոյում հասել է 3,748-ի
ՄԻՋԱԶԳԱՅԻՆ
Էբոլայի հաստատված դեպքերի թիվը Կոնգոյի Դեմոկրատական Հանրապետությունում ավելացել է՝ հասնելով 3,748-ի, հիվանդությունից մահացել է 1,657 մարդ: Այս մասին հայտնում է երկրի Հանրային առողջապահության ազգային ինստիտուտը, հաղորդում է ՌԻԱ Նովոստի-ն:
«Վերջին 24 ժամվա ընթացքում գրանցվել է հիվանդության 74 նոր դեպք, 36 մահ, 42 մարդ ապաքինվել է», - ասվում է հաղորդագրության մեջ։
Ավելի վաղ Առողջապահության համաշխարհային կազմակերպությունում մտահոգություն էին հայտնել ԿԴՀ-ում Էբոլայի շարունակվող տարածման կապակցությամբ։
«Դեպքերի շարունակվող աճը, տարածման աշխարհագրության ընդլայնումը և անփոփոխ բարձր մահացությունը վկայում են հանրային առողջապահության ոլորտում այս արտակարգ իրավիճակի արագ զարգացման մասին»,- հայտնել են ԱՀԿ-ում։
Էբոլա վիրուսի բռնկումը, որը հայտարարվել էր մայիսի 15-ին, տարբերվում է այս հիվանդության նախորդ բռնկումների մեծ մասից, քանի որ վիրուսի նոր շտամի՝ Բունդիբուգիոյի համար դեռևս չկան հաստատված պատվաստանյութեր կամ բուժման մեթոդներ:
