5 ամսվա ընթացքում գազի ներմուծումը Վրաստան աճել է 10%-ով

Ըստ Վրաստանի ազգային վիճակագրական ծառայության (Geostat) տվյալների՝ այս տարվա առաջին հինգ ամիսներին Վրաստանն Ադրբեջանից և Ռուսաստանից գնել է 1.7 միլիարդ խորանարդ մետր գազ (տարեկան աճը՝ 10%): Այս մասին գրում է aliq.ge-ն։

Ինչ վերաբերում է սպառմանը, ապա 2026 թվականի հունվար-մայիս ամիսներին բնական գազի սպառումը կազմել է 1.73 միլիարդ խորանարդ մետր, որից 233 միլիոն խորանարդ մետրը սպառել են ջերմաէլեկտրակայանները։

Նախորդ տարվա համապատասխան ժամանակահատվածի համեմատ ջերմաէլեկտրակայանների սպառած գազի ծավալը փոքր-ինչ աճել է՝ մոտ 30 միլիոն խորանարդ մետրով։ Երկրում ընդհանուր սպառումն աճել է 10%-ով։