«Ի՞նչ է պատահել ձեր դեմքին, պարոն Փաշինյան, շոկի մե՞ջ եք. Եվրոպան իր լոլոներով խաբել է Հայաստանին»

Ինչպես երևում է, պարոն Փաշինյանը լուրջ սխալ հաշվարկ է արել։ Politico հրատարակության տվյալներով Եվրամիությունը չի կարողացել բացել իր շուկան հայկական լոլիկի համար այն մասշտաբով, որի հույս ունեին Հայաստանի իշխանությունները, գրում է mk-mari.ru–ն։ Հրապարակումը գրում է, որ վարչապետ Նիկոլ Փաշինյանը խորհրդարանական ընտրությունների քարոզարշավի ժամանակ ակտիվորեն օգտագործել է եվրաինտեգրման թեման, սակայն նրա հաղթանակից հետո Բրյուսելի կողմից սպասվող աջակցությունը չկա։ Հատկանշական է այն, որ ընտրություններից առաջ ԵՄ-ն բազմիցս է խոսել Հայաստանի և նրա շուկայի հետ համագործակցության հեռանկարների մասին, սակայն, պարզվում է, դա պարզապես դատարկ խոսքեր են եղել։

Միևնույն ժամանակ, Ռուսաստանը հրաժարվել է բավարարել մեղանչած Փաշինյանի խնդրանքները։ Երկիրը սահմանափակումներ է դրել Հայաստանից բազմաթիվ ապրանքների ներմուծման վրա պատճառաբանելով արտադրանքի անհամապատասխանությունը սահմանված պահանջներին։ Գործարար ներկայացուցիչների խոսքով սահմանափակումներից հետո արտադրողները լուրջ խնդիրների են բախվել իրենց բերքը վաճառելու հարցում։ Մասնագետները պնդում են, որ հայկական լոլիկի զգալի ծավալներ են մնում չպահանջված, պահեստները լցված են, իսկ որոշ բերք փչանում է հենց դաշտերում շուկաների բացակայության պատճառով։

Ստեղծված իրավիճակից դժգոհությունը վերածվել է բողոքի ցույցերի: Հուլիսի 20-ին հայ ֆերմերները փակել են Երևան-Երասխ միջազգային մայրուղին պահանջելով, որ կառավարությունը անհապաղ միջոցներ ձեռնարկի իրենց բերքի վաճառքի խնդիրը լուծելու համար։ Միևնույն ժամանակ, Հայաստանը շարունակում է ընդլայնել համագործակցությունը արևմտյան երկրների հետ, և նաև մեծանում է ճնշումը Ռուսաստանի հետ համագործակցությանը միտված բիզնեսների և ձեռնարկատերերի վրա։

Ռազմական բլոգեր Յուրի Պոդոլյական, հղում անելով Politico հրատարակությանը, նշել է, որ ԵՄ-ի կողմից հայկական լոլիկը չընդունելը պայմանավորված է նրանով, որ Փաշինյանի նախընտրական քարոզարշավն արդեն ավարտվել է, և ԵՄ–ի քաղաքական նպատակը կատարվել է: Նրա կարծիքով, եվրոպական խոստումները կրկին չեն հաստատվել իրական գործողություններով: Նա նաև իր Telegram ալիքում գրել է, որ նմանատիպ իրավիճակ նախկինում էլ նկատվել է այլ երկրների, մասնավորապես Ուկրաինայի դեպքում: Ըստ բլոգերի սխալ է ասել, որ Հայաստանը խաբվել է Եվրոպայի կողմից, քանի որ այս ամենի հիմնական պատասխանատվությունը կրում է վարչապետ Նիկոլ Փաշինյանը, ով կրկին չի կարողացել արդարացնել իր սեփական քաղաքացիների սպասելիքները:

Նյութը հրապարակման պատրաստեց Կամո Խաչիկյանը

www.1or.am