5-ամյա երեխան վրшերթի է ենթարկվել․ ի՞նչ է հայտնի, մանրամասներ

Հուլիսի 10-ին ճանապարհատրանսպորտային պատահար է տեղի ունեցել Գեղարքունիքի մարզում։

Նախնական տվյալներով՝ ժամը 18:30-ի սահմաններում, Գեղարքունիքի մարզի 24-ամյա բնակչուհի Նարինե Կ.-ն, վարելով Kia մակնիշի ավտոմեքենա, Սևան քաղաքի Նաիրյան փողոցում՝ «Զիմ» սուպերմարկետի դիմաց, վրաերթի է ենթարկել 5-ամյա տղայի։

Past.am-ի փոխանցմամբ՝ երեխան ստացել է երկու ոտքերի կոտրվածքներ և տեղափոխվել է բուժհաստատություն։

Ըստ առկա տեղեկությունների՝ երեխան մեքենայի ուղղությամբ վազել է այն պահին, երբ վարորդը կայանատեղից հետընթաց էր կատարում։ Փոքրիկը չի հայտնվել մեքենայի հետին տեսադաշտում, ինչի հետևանքով վարորդը չի նկատել նրան։

Նշվում է նաև, որ վարորդը ենթարկվել է սթափության ստուգման, որի արդյունքներով պարզվել է, որ նա գտնվել է սթափ վիճակում։

Դեպքի հանգամանքները պարզվում են։