Իրավաբան. Հայաստանը փորձում է կրկնօրինակել Մոլդովայի փորձը
ՎԵՐԼՈՒԾՈՒԹՅՈՒՆՆԵՐ
«Առանց սահմանների իրավունքների պաշտպանություն» ՀԿ-ի իրավաբան Աննա Մելիքյանը հայտարարել է, որ Հայաստանը փորձում է կրկնօրինակել Մոլդովայի փորձը և որոշակի կուսակցություններ հակասահմանադրական հայտարարել, գրում է ritmeurasia.ru–ն։
Փորձագետը նման կերպ մեկնաբանել է Կոռուպցիայի դեմ պայքարի կոմիտեի նախագահի դիմումը արդարադատության նախարարին ընտրական հանցագործությունների մեջ ներգրավված քաղաքական ուժերին հաջորդ ընտրություններին մասնակցելուց արգելող փոփոխություններ կատարելու խնդրանքով։ Նա նշել է, որ միջնորդությունը հիմնված է կոմիտեի գնահատականի, այլ ոչ թե դատական որոշումների վրա, և որ քանի դեռ քննությունը շարունակվում է, ամեն ինչ մնում է ընդամենը որպես ենթադրություն։ «Եթե ընդդիմությանը վերագրվող գործողությունները հաստատվեն, ապա կարող ենք խոսել լուրջ խախտումների և քաղաքացիների կամքի վրա ազդելու փորձի մասին։ Սակայն նման եզրակացություններ անելը վաղաժամ է», - նշել է փաստաբանը։
Մելիքյանը ընդգծել է, որ միջնորդությունը իշխանությունների կողմից փորձ է ապացուցելու, որ ընտրակաշառքի բաժանումը պլանավորված և լայնածավալ է եղել։ Սակայն, նրա կարծիքով, նման օրենսդրական միջոցառումների նախաձեռնումը չի մտնում Կոռուպցիայի դեմ պայքարի կոմիտեի իրավասության մեջ, որը պետք է հետաքննի քրեական հանցագործությունները, այլ ոչ թե քաղաքական ուժերի դեմ պատժամիջոցների միջնորդություններ ներկայացնի։ Նա կարծում է, որ նոր մեխանիզմների միջազգային իրավունքին համապատասխանության քննարկումը պետք է տեղի ունենա նախագծի տեքստի պատրաստ լինելուց հետո, սակայն արդեն իսկ պարզ է. օրենսդրությունը պետք է լինի հստակ, կանխատեսելի բոլոր շահագրգիռ կողմերի համար և թույլ չտա կամայական կիրառում։
Նյութը հրապարակման պատրաստեց Կամո Խաչիկյանը
www.1or.am
