««Աշխարհաքաղաքական զարթոնք». ինչի՞ կհանգեցնի Հայաստանի մերձեցումը ԵՄ-ի հետ»

Եվրամիությունը նախատեսում է վերացնել հայկական արտահանման 80%-ի վրա դրվող մաքսատուրքերը։ Այդ մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը, ով այցելել էր Երևան։ Երևան այցից առաջ ֆոն դեր Լեյենը այցելել էր նաև Ադրբեջան։ Միջազգային հարաբերությունների միջազգային ինստիտուտի ավագ գիտաշխատող Եգոր Սերգեևն է rtvi.com-ի եթերում խոսել Բրյուսելի տարածաշրջանում հնարավոր նպատակների մասին։

Նրա խոսքով Հայաստանը Եվրամիության համար նախևառաջ քաղաքական, այլ ոչ թե տնտեսական ակտիվ է։ ԵՄ-ն փորձում է Հարավային Կովկասի հետ հարաբերություններ կառուցել «իր այսպես կոչված աշխարհաքաղաքական կամ աշխարհատնտեսական զարթոնքի շրջանակներում», այսինքն ավելի նախաձեռնողական արտաքին քաղաքականության շրջանակներում, նշել է փորձագետը։ «Հարավային Կովկասը կարևոր է որոշ առումներով՝ էներգետիկ, տրանսպորտային և այլ տեսանկյուններից։ Բայց եթե խոսքը Հայաստանի մասին է, ապա, իհարկե, այստեղ, առաջին հերթին, Եվրամիությունը պետք է ցույց տա, որ ակտիվ դեր է խաղում որպես, այսպես ասած, Ռուսաստանի կողմից անընդունելի գործողություններին աջակցող գործոն», - բացատրել է Սերգեևը։

«Հայաստանիմ իշխանությունները իրենք, որոշ իմաստով, ԵՄ-ն օգտագործում են «որպես լեգիտիմացնող գործոն», - շարունակել է փորձագետը,– եթե երկիրը տնտեսական և այլ դժվարություններ է ապրում, ապա կառավարությունը կարող է ցույց տալ Բրյուսելի հետ մերձեցումը իր արդյունավետությունը ցույց տալու և իրեն «առնվազն որոշ ընտրողների աչքում» լեգիտիմացնելու համար»։

Սերգեևի կարծիքով բարդ հարց է այն, թե արդյո՞ք ԵՄ-ն կկարողանա «հանել» Հարավային Կովկասը Մոսկվայի ազդեցության ուղեծրից։ «Ես իրոք վստահ չեմ, որ Հարավային Կովկասը որպես տարածաշրջան իսկապես բացառիկ առաջնահերթություն է Եվրամիության համար։ ԵՄ-ի կողմից հայտարարված նախաձեռնություններից շատերը զուրկ են այն իրական բովանդակությունից, որը նրանք պնդում են, որ հետապնդում են։ Կան օբյեկտիվ աշխարհագրական գործոններ, և կան Հարավային Կովկասի երկրների և Ռուսաստանի միջև ոչ պաշտոնական տնտեսական կապերի գործոններ, որոնց Եվրամիության համար դժվար է ինտեգրվել։ Հավանաբար, մենք պետք է սպասենք ստատուս քվոյի որոշակի պահպանման», - հավելել է Սերգեևը։

Նյութը հրապարակման պատրաստեց Կամո Խաչիկյանը

www.1or.am