Ինչի շուրջ են համաձայնության եկել Հայաստանն ու ԵՄ-ն եվրահանձնակատարների երևանյան այցի ընթացքում

Եվրահանձնաժողովի նախագահ Ուրսուլա ֆոն դեր Լեյենը հուլիսի 2-ին եղել է Երևանում Ադրբեջանի նախագահ Իլհամ Ալիևի հետ բանակցություններն ավարտելուց անմիջապես հետո և հանդիպել է ՀՀ վարչապետ Նիկոլ Փաշինյանի հետ: Սա եվրահանձնակատարի երկրորդ այցն է Հայաստանի մայրաքաղաք 2019 թվականին պաշտոնը ստանձնելուց ի վեր: Այնտեղ նա քննարկել է առևտրային, տնտեսական և էներգետիկ համագործակցությունը, տարածաշրջանային տրանսպորտային ենթակառուցվածքների զարգացումը և հետխորհրդային հանրապետության և Եվրամիության (ԵՄ) միջև քաղաքական համագործակցության խորացումը, գրում է vedomosti.ru–ն:

Հարավային Կովկասով շրջագայելով եվրոպացի քաղաքական գործիչները փորձում են բարդացնել Ռուսաստանի կյանքը միջնորդական միջոցներով, կարծում է ՄԳԻՄՕ-ի միջազգային հետազոտությունների ինստիտուտի առաջատար գիտաշխատող Նիկոլայ Սիլաևը: Բրյուսելը հույս ունի դրան հասնել, այդ թվում հաշտեցնելով Հայաստանն ու Ադրբեջանը, ինչը, ինչպես եվրոպացիներըն ենկարծում, նախատեսված է Մոսկվային չարացնելու համար, ասել է նա: «ԵՄ-ն փորձել է բոլոր միջոցները ռուսներին վնասելու համար, բայց ոչ մեկը դեռևս չի հասել իր նպատակին, ուստի հիմա նրանք փորձում են շահագործել այնպիսի պերիֆերիկ հարցեր, ինչպիսին է հայ-ադրբեջանական խաղաղության գործընթացը»,– ասել է փորձագետը:|

Սիլաևի խոսքով ԵՄ-ն, ԱՄՆ-ը կամ Թուրքիան չեն կարողանա դառնալ հայկական ապրանքների հիմնական այլընտրանքային շուկան։ Մի կողմից, հայկական ապրանքների տեսականին հիմնականում հետաքրքրում է ռուս սպառողներին։ Մյուս կողմից, եվրոպացիների կողմից Հայաստանին հատկացված օգնության չափը ակնհայտորեն բավարար չէ հայկական արտահանման ուղղությունները դիվերսիֆիկացնելու համար, և դրա մեծ մասը կծախսվի անտեղի, նշել է քաղաքագետը։ «Գիտակցելով դա Երևանն այժմ փորձում է գտնել ռուս-հայաստանյան ճգնաժամը լուծելու ուղիներ։ Սակայն այդ խնդիրը գերազանցում է առևտրային վեճին։ Նախկինում Հայաստանի ղեկավարությունը մեծ նշանակություն չէր տալիս այս հակամարտությանը համարելով, որ այն առաջացել է վերջին խորհրդարանական ընտրությունների պատճառով», - նշել է փորձագետը։ 

Հարավային Կովկասում Բրյուսելը հետապնդում է ինչպես նեղ, այնպես էլ լայն նպատակներ, նշել է Կովկասի ինստիտուտի գիտաշխատող Հրանտ Միքայելյանը։ Նախ, ԵՄ իշխանությունները փորձում են աջակցություն հայտնել Փաշինյանին խորհրդարանական ընտրություններից հետո, որոնք նա հաղթեց վարչական ռեսուրսների լայնածավալ օգտագործման միջոցով և ռուս-հայաստանյան առևտրային հակամարտության ֆոնին։ Երկրորդ, շարունակել է փորձագետը, երևանյան բանակցությունները տարածաշրջանային այն շրջագայության շարունակությունն են, որի ընթացքում եվրոպացիները ցանկանում են կառուցել Ռուսաստանին այլընտրանքային էներգետիկ և տրանսպորտային միջանցքներ։

«Այս բանակցությունների ընթացքում ֆոն դեր Լեյենը բարձրացրել է Ադրբեջանի, Հայաստանի և Թուրքիայի էներգետիկ և տրանսպորտային համակարգերի ինտեգրման անհրաժեշտությունը։ Ամենայն հավանականությամբ, կողմերը կփորձեն նաև արագացնել այսպես կոչված «Թրամփի երթուղի» նախագծի իրականացումը Կենտրոնական Ասիայից դեպի Եվրոպա ցամաքային երթուղի կառուցելու համար՝ շրջանցելով Իրանը և Ռուսաստանը։ Հայաստանը այս խորհրդավոր փազլի կարևոր մասն է, և դրա շուրջ ներկայումս կա լուրջ մրցակցություն», - խոստովանել է քաղաքագետը։

Նյութը հրապարակման պատրաստեց Կամո Խաչիկյանը

www.1or.am