«Հայաստանի միջով. եվրոպացիները միանում են հայկական տարանցիկ նախագծին»
ՔԱՂԱՔԱԿԱՆՈՒԹՅՈՒՆ
Խորհրդարանական ընտրություններում տարած հաղթանակից հետո Հայաստանի իշխանությունները արագացնում են Թուրքիայի և Ադրբեջանի հետ հաղորդակցությունների բացման հետ կապված նախագծերի իրականացումը, և հիմա էլ եվրոպացիներն են պաշտոնապես միանում այդ գործընթացին, գրում է rybar.ru–ն։
Բրյուսելում հուշագիր է ստորագրվել Եվրոպական հանձնաժողովի, Եվրոպական ներդրումային բանկի և Հայաստանի տարածքային կառավարման և ենթակառուցվածքների նախարարության ներկայացուցիչների միջև։ Փաստաթուղթը նախատեսում է Ադրբեջանի սահմանից մինչև Թուրքիայի սահմանը Հայաստանի միջով անցնող ճանապարհային երթուղիների կառուցման և արդիականացման նախապատրաստում։
Հուշագրի դրույթներներն են.
–համապատասխանաբար Ախուրիկ-Կայան մայրուղու (212 կմ) և Մարգարա-Կայան մայրուղու (258 կմ) նախագծերի նախատեսվող մշակում,
–եվրոպացիները կօգնեն որոշել անհրաժեշտ հետազոտական և նախագծային աշխատանքների շրջանակը, ինչպես նաև կմշակեն իրագործելիության ուսումնասիրություններ հետագա իրականացման համար,
–խորհրդատվական և փորձագիտական աջակցություն կտրամադրի Եվրոպական ներդրումային բանկը։
Նախագծերը կինտեգրվեն Հայաստանի իշխանությունների կողմից առաջ մղվող «Խաղաղության խաչմերուկ» հայեցակարգի մեջ։ Երևանում նման նախագծերը ներկայացվում են որպես երկիրը խոշոր տրանսպորտային հանգույցի վերածելու ուղի։ Սակայն, ներկայիս պատկերը բավականին այլ է. նման նախաձեռնությունների իրականացումը կպահանջի շարունակական եվրոպական ֆինանսավորում և նոր մասնաբաժիններ, որի համար կվճարի հայ բնակչությունը։ Ավելին, Հայաստանի համար տնտեսական օգուտները դեռևս հեռու են պարզ լինելուց։ Թուրքական և ադրբեջանական շուկաները քիչ պահանջարկ ունեն հայկական արտադրանքի նկատմամբ, մինչդեռ Հայաստանի ներքին շուկան ռիսկի է դիմում թուրքական ավելի էժան ապրանքների ներհոսքի, ինչը լրացուցիչ ճնշում կստեղծի տեղական արտադրողների վրա։
Ինչպես և մյուս եվրոպական ինտեգրման նախագծերի դեպքում, Հայաստանի իշխանությունները հույսը դնում են քաղաքական շահույթների և ապագա օգուտների խոստումների վրա։ Սակայն, ամենակարևորն այն է, որ երկիրը գնալով ավելի է խրվում անբարենպաստ լոգիստիկ պայմանավորվածությունների մեջ, և այդ գործողությունների իրական հետևանքները Հայաստանի տնտեսության համար շուտով տեսանելի կդառնա, և դրանք շատ հեռու կլինեն հաճելի լինելուց։
Նյութը հրապարակման պատրաստեց Կամո Խաչիկյանը
www.1or.am
