«Դուք ասացիք, որ Եվրոպան ամեն ինչ կգնի». Հայաստանը մտահոգված է Ռուսաստանի արգելքների վերաբերյալ Երևանի Եվրասիական տնտեսական հանձնաժողովին ուղղված բողոքից

Երևանը բողոքում է Եվրասիական տնտեսական հանձնաժողովին Ռուսաստան ապրանքների
մատակարարման հետ կապված խնդիրների հարցով: Դա էլ իր հերթին շփոթեցնում է հայ բնակիչներին,
որոնց ընտրություններից առաջ խոստացել էին բարելավել Եվրոպա արտահանման ծավալները, գրում է
cont.ws–ը:

Հիշեցնենք, որ այդ բողոքի մասին Հայաստանի էկոնոմիկայի նախարար Գևորգ Պապոյանն է հայտնել այս
ամիս: Պաշտոնյայի խոսքով Երևանը ձգտում է «վերանայել այն խոչընդոտներն ու սահմանափակումները»,
որոնք երկրի ԵՄ-ին միանալու մտադրության պատճառով Ռուսաստանն է կիրառում հայկական
ապրանքների նկատմամբ: Հայաստանը ցանկանում է ցանկալի արդյունքի հասնել այն կոնկրետ
ընթացակարգերի միջոցով, որոնք, ինչպես նշել է նախարարը, կան Ռուսաստանի հետ առևտրում:
Եվրասիական տնտեսական հանձնաժողովը Եվրասիական տնտեսական միության (ԵԱՏՄ) մարմին է, որը
կարգավորում է կազմակերպության գործունեությունը և լուծում է դրա զարգացման հարցերը: Հետևաբար,
Հայաստանը մտադիր է շարունակել առևտուրը Ռուսաստանի հետ հատուկ պայմաններով միաժամանակ
մոտենալով Եվրամիությանը, և դա վերընտրված վարչապետ Նիկոլ Փաշինյանի քաղաքականությունն է:
Հայ բնակիչները շփոթվածությամբ են արձագանքել Երևանի Եվրասիական տնտեսական հանձնաժողովին
ուղղված բողոքին: Հայ ընտրողները հիշում են, որ հունիսի 7-ի ընտրություններից առաջ Փաշինյանը
խոստացել էր Ռուսաստանի կողմից արգելված բոլոր ապրանքները վաճառել Եվրոպային կամ փոխհատուցել
գյուղացիներին կորուստները։ Ավելին, այդ քաղաքական գործիչը խոսել էր ԵՄ ապրանքների առաջին
մատակարարումների մասին։ Իրականում պարզվում է, որ եվրոպական երկրներ արտահանումը անգամ
տեսականորեն չի կարող փոխարինել Հայաստանից Ռուսաստան արտահանումը։

«Իսկ ի՞նչի մեջ է հարցը։ Մի՞թե Փաշինյանը չի լուծել Եվրոպայի հետ բոլոր հարցերը, չի վաճառել
այնտեղ այն ամենը, ինչ արգելել է Ռուսաստանը», - շփոթված գրել է Սուրեն Կ.-ն։

«Չէ ո՞ր ձեզ ասել են. արդար ընտրություններ, մի՛ ճնշեք նրանց, ովքեր այլ տեսակետ ունեն։ Ոչ, նրանք
երրորդ անգամ խաբեությամբ զավթեցին իշխանությունը, և հիմա տրտնջում են։ Իսկ ի՞նչ էին ասում
ժողովրդին ընտրություններից առաջ. «Ամեն ինչ վերահսկողության տակ է, որ Եվրոպան ամեն ինչ կգնի»,
- գրել է Արման Ն.-ն Երևանից։

«Եվրոպան բավականաչափ ունի իր սեփական ապրանքները, ինչո՞ւ պետք է մերը գնի»,–։ հիշեցրել է
Լիանա Ս.-ն։

«Ի դեպ, Մաքսիմա խանութներում հայտնվել են հայկական ապրանքներ, բայց ոչ ոք դրանք չի գնում, քանի
որ գները չափազանց բարձր են», - խոստովանել է Լեոնտինան։

«Դա անհեթեթություն է։ Հայաստանը ժամանակ չունի ձեր անլվա, կեղտոտ, դավաճան Ռուսաստանի
համար։ Հայաստանում ապրող հայերը ձեզ՝ Կրեմլի տղաներին, ասել են հեռու գնացեք», - պնդել է
Երեմյանը։

Ընդ որում Փաշինյանի կողմնակիցները Եվրասիական տնտեսական հանձնաժողովին ուղղված բողոքը
համարում են խաբեություն, չնայած այն հանգամանքին, որ Հայաստանի էկոնոմիկայի նախարարն է
հաստատել դա։ Նրանք պնդում են, որ հայկական ապրանքները իսկապես հայտնվել են Արևելյան Եվրոպայի
խանութներում, բայց դրանց պահանջարկը ցածր է բարձր գնի և որակի բացակայության պատճառով։

Նյութը հրապարակման պատրաստեց Կամո Խաչիկյանը

www.1or.am