Հայաստանի ընտրությունները տեղի ունեցան ընդդիմության վրա ճնշման պայմաններում․ Զախարովա
ՄԻՋԱԶԳԱՅԻՆ
Հայաստանի ընտրությունները տեղի էն ունեցել ընդդիմության վրա աննախադեպ ճնշման և Արևմուտքի միջամտության պայմաններում, հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան։
Զախարովա նշել է, որ Ռուսաստանը մտադիր է ձևավորել իր քաղաքականությունը Երևանի նկատմամբ՝ հիմնվելով Հայաստանի ղեկավարության իրական գործողությունների վրա։
«Հանրապետության Կենտրոնական ընտրական հանձնաժողովի կողմից հրապարակված նախնական արդյունքները ցույց են տալիս, որ հաղթանակ տարած «Քաղաքացիական պայմանագիր» կուսակցությունը չի ապահովել իշխանության մենաշնորհը։ Ավելին, նախորդ ընտրական ցիկլի համեմատ, նրա աջակցությունը զգալիորեն նվազել է»,- ընդգծել է նա։
Դիվանագետն ասել է, որ Մոսկվան միշտ եղել է և միշտ էլ կլինի շահագրգռված ուժեղ և իսկապես ինքնիշխան Հայաստանով։
Մարիա Զախարովայի կարծիքով՝ ընտրությունները հստակ ցույց են տվել, որ հայ հասարակությունը չափազանց բևեռացված է, և որ հայ հասարակության մեջ կա հստակ պահանջարկ՝ զարգացնելու կապերը Ռուսաստանի հետ և շարունակելու Հայաստանի անդամակցությունը Եվրասիական տնտեսական միությանը։
Զախարովայի խոսքով՝ հայ ժողովուրդը եղբայրական է Ռուսաստանի հետ, և որ Մոսկվան մաղթում է խաղաղություն ու բարգավաճում։
