Ծանոթ ու միաժամանակ անհայտ... Parker գրիչ

Լեգենդար Parker գրչի պատմությունը սկսվել է 1880-ականներին: Այն ժամանակ աղքատ ուսուցիչ Ջորջ Պարկերը  ինչ որ կերպ լրացուցիչ գումար վաստակելու համար սկսել է թանաքի գրիչներ վաճառել ուսանողներին և գործընկերներին: Բայց դրանք անորակ են եղել և գնորդները հաճախ են բողոքել դրանցից: Չնայած այն բանին, որ Պարկերը գրիչները միայն վաճառում էր, բայց ստիպված էր վերականգնել վնասված գրիչները: Շուտով նա հոգնել է դրանից, և միտք հղացել ստեղծել իր սեփական բարձրորակ գրիչի մոդելը: Լավագույն արտադրանք հորինելու ցանկությունը, գրիչներ պատրաստելու ունակությունը, ինչպես նաև տաղանդն ու աշխատասիրությունն օգնել են Պարկերին սկսել իր բիզնեսը: Արդեն 1892 թվականի  մարտի 8-ին, հիմնադրվել և պաշտոնապես գրանցվել է նրա սեփական ընկերությունը՝ Parker Pen Company-ին: Ջորջը գրչի իր առաջին արտոնագիրը ստացել է 1889 թվականին: 1894 թվականին թանաքի գրիչների արդյունաբերության մեջ հեղափոխություն է տեղի ունեցել և արտոնագրվել է  «Lucky Curve» գրիչը: Լուծվել է այդ տարիների գրիչների կարևորագույն խնդիրներից մեկը՝ դրանցից թանաքի արտահոսքը, որը փչացնում էր հագուստն և պայուսակները: «Lucky Curve» - ի ներդրմամբ ընկերության վաճառքները արագորեն աճել են: Բայց այդպիսի հաջողությունը միայն ուժ է տվել Ջորջ Պարկերին գրիչների համար ավելի ու ավելի կատարյալ մեխանիզմներ հորինելու համար: Այդպես ծնվել է թանաքի լիցքավորման նորարարական մեթոդը, որի շնորհիվ գրիչը լիցքավորվում էր առանց ձեռքերը թանաքոտելու՝ մխոցային մեխանիզմի օգնությամբ: Կատարյալ գրիչ ստեղծելը եղել է Պարկերի հիմնական նպատակը, որին նա անընդհատ ձգտում էր հասնել: Նրա ստեղծագործական մտքի մեկ այլ մարմնավորում էր Safety Cap-ը՝ անվտանգության գլխադիրը: Հետագայում անհրաժեշտություն է առաջացել սեփական տարբերակիչ նշանը ստեղծել, որպեսի  Parker գրիչը առաջին հայացքից տարբերվի այլ գրիչներից: Այն հայտնվել է 1916 թվականին: Դա նետաձև ամրակն է, որն այժմ էլ նույն է մնացել: Parker գրիչների պատմության մեջ նոր դարաշրջան է սկսվել 1921 թվականին նորարարական Parker Duofold- ի կամ BIG RED- ի թողարկմամբ: Դա «Պարկեր» ընկերության պատմության մեջ նոր մակարդակ է նշագծել: Գրիչի մարմինը ներկվել է կարմիր-նարնջագույնով, որն արտացոլել է այդ տարիների նորաձևության միտումները: Parker Duofold- ը դարձել է նորաձև իր, որը մարմնավորում է 20-րդ դարի սկզբի վերջին տեխնոլոգիական նվաճումները: BIG RED- ի արժեքը հասնում էր մինչև 7 դոլլարի: Այդ գինը ավելի բարձր էր, քան մյուս գրիչները, բայց դա չի ազդել ժողովրդականության վրա, և պահանջարկը միայն աճել է: Բացի այդ, արտադրողը հատուկ շուկայավարման ռազմավարություն է գործածել և սկսել յուրաքանչյուր նման գրչի համար տալ 25 տարվա երաշխիք: Դա նաև ծառայել է որպես ապրանքի լավ որակի ցուցիչ: Parker գրիչները հայտնի են եղել պետական պաշտոնյաների, բանկերի պաշտոնյաների, ինժեներների և գրողների շրջանում: Պարկերի զարգացումը  կանգ չի առել, և 1931 թվականին որոշում է կայացվել արտադրել  նոր ապրանք` Quink թանաք: Սա ընկերության կողմից ճիշտ քայլ էր, քանի որ գրիչների հեղինակությունը աճել էր, և կարելի էր մտածել թանաքի որակը բարելավելու մասին: Իր բնութագրերով Quink- ը շահեկանորեն տարբերվել է այլ թանաքներից՝  արագ է չորանում, գումարած այն արագ և հեշտությամբ է մաքրվում մատներից և հագուստից:

Parker Pen ընկերությանը ունի մեծ թվով գրիչների մոդելներ, որոնք իսկապես լեգենդար են դարձել: Parker 51-ը թողարկվել է 1941 թվականին, և հնարավորություն էր տալիս անգամ  ինքնաթիռով թռչելիս գրել:  Բայց դա չէ նրա անհավատալի համբավի հիմնական պատճառը այլ ան, որ այն Դուայթ  Էյզենհաուերի ձեռքին էր, երբ  նա ստորագրել է գերմանացիների կապիտուլացիան 1945 թվականին:  Նույն գրիչով գեներալ ՄակԱրթուրը ստորագրել է Ճապոնիայի կապիտուլացիան: Parker գրիչներից  ամենավաճառվողը եղել է Parker 45-ը, որը հայտնվել է 1960 թվականին: Արդեն 1980 թվականին վաճառվել է դրա  ավելի քան 75 միլիոն օրինակ:

Կ․ Խաչիկյան