Վերլուծաբան Աբովյան. Երևանի գագաթնաժողովն անօգուտ էր Հայաստանի համար

«Փորձագիտություն» հաղորդման ժամանակ քաղաքական վերլուծաբան Արման Աբովյանը համեմատական ​​վերլուծություն է անցկացրել Հայաստանում և Մոլդովայում տեղի ունեցող քաղաքական գործընթացների վերաբերյալ, գրում է tsargrad.tv–ն: Մեկնաբանելով վերջերս Երևանում կայացած Եվրոպական քաղաքական համայնքի գագաթնաժողովը Աբովյանը նշել է դրա լիակատար անօգուտությունը Հայաստանի համար այնպես, ինչպես  երեք տարի առաջ Մոլդովայում կայացած նման միջոցառմանը:

Քաղաքական վերլուծաբանը նշել է, որ նման ֆորումների հիմնական նպատակը և՛ Հայաստանում, և՛ Մոլդովայում հակառուսական հարթակ ստեղծելն է քողարկված «եվրաինտեգրման» և մարդու իրավունքների պաշտպանության գրավիչ հռետորաբանությամբ: Արման Աբովյանը համոզմունք է հայտնել, որ Եվրամիության համար և՛ հայերը, և՛ մոլդովացիները պարզապես գործիքներ են սեփական նպատակներին հասնելու համար: Այդ համատեքստում վերլուծաբանը հստակ զուգահեռներ է տեսնում երկու պետությունների միջև: Աբովյանը ընդգծել է, որ Հայաստանի ղեկավարության շարունակական շփումները Ռուսաստանի Դաշնության հետ բխում են այն գիտակցումից, որ Հայաստանի տնտեսությունն ամբողջությամբ կախված է Եվրասիական տնտեսական միությունից և ռուսական շուկայից: Հետևաբար, նրա կարծիքով, ԵՄ-ի և ԵԱՏՄ-ի միջև ընտրություն կատարելը աղետալի կլինի երկրի համար:

Ավելին, Աբովյանը հետևելով Վրաստանի օրինակին, որը չի միացել Ռուսաստանի դեմ պատժամիջոցներին և շարունակում է նրա հետ տնտեսական համագործակցությունը անհնար է համարել Հայաստանի ԵՄ-ին մոտենալու հնարավորությունը: Վերլուծաբանի կարծիքով, եթե Հայաստանը շարունակի ԵՄ-ին ինտեգրվելու իր ուղին, ապա ստիպված կլինի վատթարացնել իր հարաբերությունները Ռուսաստանի հետ, ինչպես դա եղավ Մոլդովայի հետ: Աբովյանը նաև համոզված է, որ ո՛չ Մոլդովան, ո՛չ էլ Հայաստանը չեն դառնա Եվրամիության լիիրավ անդամներ:

Նյութը հրապարակման պատրաստեց Կամո Խաչիկյանը

www.1or.am