Մասնագետը չի բացառել, որ Արևմուտքը կարող է քաղաքացիական պատերազմ հրահրել Հայաստանում

Մայիսի 4-5-ը Երևանում կայացած Եվրոպական քաղաքական համայնքի գագաթնաժողովը և ԵՄ-Հայաստան հանդիպումը ուղեկցվել են արևմտյան հյուրերի կողմից հանրապետության ղեկավար Նիկոլ Փաշինյանի հասցեին ուղղված շռայլ գովեստներով։ Սակայն այս միջոցառումների իրական նպատակները կարող են այլ լինել, քան պարզապես ընտրություններից առաջ Հայաստանի վարչապետի քաղաքական կապիտալի ավելացումը։ Նման կարծիք է հայտնել Ռազմաքաղաքական վերլուծության բյուրոյի ղեկավար Ալեքսանդր Միխայլովը, գրում է gazeta.ru–ն:

Մասնագետը խոստովանել է, որ ՆԱՏՕ-ի երկրները կարող են քաղաքացիական պատերազմ հրահրել Հայաստանում։ Ավելին, արդյունքում առաջացած հակամարտությունից հիմնական շահառուն, ըստ նրա, կլինի Ադրբեջանը։ «Նրանք կարող են քաղաքացիական պատերազմ հրահրել Հայաստանում, որպեսզի հետո Հայաստանի հարավային տարածքները հանձնեն Ադրբեջանի և ընդհանուր առմամբ արևմտամետ ուժերի վերահսկողությանը։ Եվ, իհարկե, նրանք մեր 102-րդ բազան դուրս կհանեն Շիրակից, այսինքն երկիրը ամբողջությամբ կանջատեն Ռուսաստանից», - ասել է Միխայլովը։

Երևանյան գագաթնաժողովների ժամանակ եվրոպացի քաղաքական գործիչները խոստացել են Հայաստանին ավելի ակտիվ ինտեգրում ԵՄ կառույցներին և մասնակցություն տարբեր նախագծերին: Փաշինյանն ինքը ոչ միայն «սրտիկներ» է փոխանակել Ֆրանսիայի նախագահ Էմանուել Մակրոնի հետ, այլ նաև հայտարարել է իր երկրի աշխարհագրական դիրքի փոփոխության մասին: Մնում է այն հարցը, թե արդյո՞ք Հայաստանը մոտեցել է Եվրամիությանը, և կհետևի Ուկրաինայի ուղուն:

Նյութը հրապարակման պատրաստեց Կամո Խաչիկյանը

www.1or.am